UNESCO hakarak ema hotu promove Tais

Shahbaz Khan: UNESCO Memory of the World Symposium Opening Remarks ...

FOTO: GOOGLE

Diretór United Nations Educational, Scientific and Cultural Organization (UNESCO) Jakarta, Shahbaz Khan, subliña, UNESCO husu ema hotu (Timor-Oan-red) atu kontribui ba promove Tais, nune’e bele ajuda prosesu ba rekoñesimentu nu’udár patrimóniu materiál no kulturál Timor ni’an.

“Haree ba parte kultura espesialmente Tais, ami nafatin apoiu, maibé ami nia komisaun nasionál atu fó atribuisaun ba tais ne’e sei iha prosesu naruk nia-laran, iha kriteriu lubuk ida hodi atinji prosesu hirak ne’e, inklui revisaun,  ida ne’e responsabildide boot no iha ideia barak para bele foti, ita tenke ativu hodi halo promosaun ba Tais espesífiku liu Timor-Oan atu bele intende konvensaun no kontribui ba promosaun kulturais ba Tais no ba materiál kulturais sira seluk”, Diretór UNESCO Jakarta ne’e liu husi enkontru virtuál ne’ebé diskute kona-bá planu Enkuadramentu Kooperasaun Dezenvolvimentu Sustentavél Nasaun Unidus (UNSDCF-sigla Inglés) ni’an ba tinan 2022 to’o tinan 2026, iha salaun Kofi Annan Nasoens Unidas, Caicoli-Díli, Kuarta (19-08-2020).

Shahbaz Khan informa, Governu Timor-Leste rasik liu husi Sekretáriu Estadu ba Arte no Kultura (SEAK) hamutuk ho Komisaun Nasionál ba UNESCO, haruka ona Tais ba UNESCO Paris, hodi nomeia sai patrimóniu kulturál iha tinan ne’e no sei hetan rekoñesimentu iha tinan 2021, wainhira priense ona prosesu revizaun ne’ebé iha.

Koordenadór Rezidente Organizasaun Nasoens Unidas iha Timor-Leste, Roy Trivedy, hateten, diskusaun ida ne’e importante, hodi haree fila-fali planu UNESCO ni’an iha tinan 5 nia-laran, liu-liu liga ho situasaun pandémia COVID-19.

“Primeiru no famozu liu, tanba ha’u hanoin ita hotu hatene kona-bá wainhira ita hakarak atu aselera objetivu iha tinan 2030, nune’e tinan 4 no 5 tuir mai sei importante tebes, hodi foti dezisaun, tanba sei fó impaktu ba tarjetu loloos, ha’u hanoin Governu Timor-leste sei haree oportunidade no hamutuk ita garante katak, ita bele servisu hamutuk hodi ema hotu alkansa moris ne’ebé di’ak liu”, tenik Roy.

Iha parte ambiente nia sei apoia ba estabelesimentu parke Nino Konis Santana nu’udár UNESCO nia área dezignadu hanesan rezerve biosfera no patrimóniu mundiál.

Ba parte kulturál oinsa promove Tais, hodi hetan rekoñesimentu no ba Ensinu Superiór para oinsa hasa’e kapasidade Timor-Oan sira atu asesu ensinu superiór ho kualidade.

Entretantu objetivu husi enkontru virtuál ne’ebé diskute kona-bá planu Enkuadramentu Kooperasaun Dezenvolvimentu Sustentavél Nasaun Unidus (UNSDCF-sigla Inglés) ni’an ba tinan 2022 to’o tinan 2026, ne’e hodi identifika área ba parseria transformativu potensiál hirak ne’ebé UNESCO haree bele apoiu ba implelementasaun iha prioridade nasionál kona-bá ambiente, kultura no ensinu superiór. ida

Leave a Reply

Your email address will not be published. Required fields are marked *