JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR: Oportunidade ba TL atu koriji frakeza estruturál sira

PR: Oportunidade ba TL atu koriji frakeza estruturál sira

Prezidente Repúblika (PR), Francisco Guterres Lú Olo, iha mensajen ba Sesaun Asembleia Jerál ONU ba dala-75 iha Nova Iorque, 24 setembru 2020 hateten katak pandemia COVID-19 nu’udar oportunidade atu koriji fraquezas estruturais.

Nu’udar Prezidente Repúblika, no serbisu hamutuk ho Governu uza oportunidade impaktu husi COVID-19 hodi estabelese Planu Rekuperasaun Ekonómika,  konsentra ba ema, ne’ebé sei reativa ekonomia nasionál, ho medida kurtu, médiu no longu prazu. Nu’udar dalan atu hapara ema lakon empregu no rendimentu.

“Estadu asumi nu’udar oportunidade ida atu koriji frakezas estruturais”, Prezidente Repúblika hateten iha ninian intervensaun liuhusi vídeo gravadu.

Timor-Leste rejista kazu pozitivu COVID-19 ba dahuluk, iha 21 marsu.  Molok Prezidente Repúblika dekreta Estadu Emerjénsia ba dahuluk, sidadaun ida-idak foti ona medidas ba prevensaun.

Iha luta ba prevensaun no komabate hasoru moras coronavírus, Governu serbisu hamutuk ho Organizasaun Mundiál Saúde (OMS).

Estadu Timor-Leste implementa medidas preventiva no kontrolu liu taka nia fronteira sira, kuarentena obrigatóriu no izolamentu no sensibilizasaun ba Povu.

Estabelesimentu Sentru Integradu Jestaun Krize permite iha serbisu koordenasaun entre sentores hotu-hotu ne’ebé envolve iha kombate ida ne’e.

Apoiu husi parseiru dezenvolvimentu sira hanesan Xina, Australia, Kuba, Estadus Unidus Amérika no Uniaun Europeia liuhusi rekursu umanus no doasaun ekipamentus importante tebes iha kombate ida ne’e. Desde marsu, Timor-Leste rejista kazu pozitivu hamutuk 27, husi ne’e rekuperadus hamutuk 26. To’o ohinloron seidauk iha ema ida mak tama iha kuidadu intensivu.

Prezidente Repúblika hato’o solidariedade Estadu Timor-Leste nian ho Povu Saharauí no apela atu ONU halo esforsu ba eradikasaun kolonialismu iha 2020.

“Iha Sahara Osidental, Misaun Nasoins Unidas-MINURSO-iha territóriu kuaze dekada tolu, maibé ita seidauk haree progresus satisfatóriu. Sai urjente ba nomeasaun Enviadu Espesial Sekretáriu Jerál ba Sahara Osidental  ho forma atu aselera prosesu negosiasaun entre parte sira iha konflitu no hetan solusaun ida hodi garante Povu Saharauí ezerse direitu ba autodeterminasaun, tuir akordu Karta Nasoins Unidas no Rezolusoins seluk ne’ebé relevante.

Prezidente Repúblika akresenta katak laiha respeitu ba Natureza provoca alterasoins klimátika ho impaktu negatigu ba Umanidade. Destruisaun ba ekosistemas no biodiversidade liga ho moras foun COVID-19 nu’udar ezemplu ida.

Timor-Leste acredita ho Akordu Paris kona-ba alterasaun klimátika no Objetivu Dezenvolvimentu Sustentavel nu’udar meius e kestoins ne’ebé ita labela hases-an iha dalan ba rekonstrasaun país sira. Mídia PR

Lee hotu :   Timor-Leste fó solidariedade ba inséndiu iha Austrália

Add to Comments Here!!!!

error: Content is protected.
Secured By miniOrange
You might also like:
Deputadu “alerjia” ho Xanana nia asaun karitativa, Horta sei hakerek karta ba Papa ho SekJer ONU

Diplomata senior Timor-Leste, José Ramos Horta,...

KAK prende obrigatóriu kareta husi eis funsionáriu kontratadu ME

Ekipa fiskalizasaun konjunta kompostu husi Komisaun...

PLP: Governo faz TikTok na apresentação de relatórios de execução orçamental 2020 e Fundo Covid-19

O deputado do Partido de Libertação...

Close