JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR promulga ona dekretu lei ANE, IP

PR promulga ona dekretu lei ANE, IP

Prezidente Repúblika (PR), Francisco Guterres Lú Olo, iha loron 24, fulan Setembru, tinan 2020, promulga ona dekretu lei kona-ba kriasaun Autoridade Nasionál Eletrisidade Institutu Públiku (ANE, I.P).

Karta komunikadu imprensa husi Mídia Palásiu Prezidensial katak, Autoridade Nasionál Eletrisidade, I.P, ho knaar atu asegura ezekusaun polítika nasionál setór enerjétiku, garante regulasaun no fiskalizasaun produsaun, transporte, distribuisaun, komersializasaun enerjia elétrika iha Sistema Nasionál Eletrisidade no mós normalizasaun nasionál ba komponente instalasaun elétrika.

Enkuantu, ANE, I.P sei tutela ba membru Governu ne’ebé responsabiliza ba setór enerjia elétrika. Institutu Públiku ne’e sei diriji superiormente husi Konsellu Administrasaun ho responsabilidade ba definisaun orientasaun jerál, no Konsellu Fiskal ba fiskalizasaun. Ba ezekusaun jestaun atividade ANE, I.P, sei asegura husi Diretór Ezekutivu, noemeadu husi ministru tutela, ho proposta husi Konsellu Administrasaun.

Karta ne’e afirma tan katak, setór eletrisidade nu’udar pilar ida ne’ebé fundamental teb-tebes ba promosaun no dezenvolvimentu ekonomia paíz no instrumentu privilijiadu ba seguransa no bem-estar populasaun ninian, tanba ne’e, konsidera nu’udar servisu públiku esensiál. Tuir Dekretu-Lei númeru 13/2003, 24 Setembru, ne’ebé estabelese Sistema Nasionál Eletrisidade koalia kona-ba prinsípiu báziku servisu universal enerjia elétrika ba populasaun no entidade públika no privada ba atividade iha setór oi-oin.

Alende ne’e, Estadu Timor-Leste mak ohin loron jere atividade setor enerjia elétrika. Iha posibilidade atu estabelese parseria ho setor privadu, espesialmente ba produsaun enerjia elétrika renovavel. Estadu sei kontinua tau matan ba integridade infraestrutura no fiabilidade ba fornesimentu. Tanba ne’e, autoridade reguladora sei sai fonte informasaun ba públiku no kualidade setór enerjia hodi kontinua halo fiskalizasaun ba atividade entidade públika no privada ne’ebé opera iha setór ne’e.

Subliña liu tan, husi karta ne’e, estadarizasaun ba material elétriku no instalasaun elétrika sai nu’udar motivu ida, hodi kria entidade ne’ebé estabelese norma nasional ba material elétriku no ninia utilizasaun no instalasaun hodi promove seguransa ba utilizasaun eletrisidade ba ninian sidadaun sira. Oly

Lee hotu :   Anin sobu uma 16 ho eskola ida iha Camea

Add to Comments Here!!!!

error: Content is protected.
Secured By miniOrange
You might also like:
Governu sei kria alta autoridade koordena projetu petrolíferu no minerál sira

Ministru Petróleu no Minerais (MPM), Víctor...

MRNDJK: VIII Governu laiha dalan aprezenta OJE ba PN

Porta voz Movimentu Rezisténsia Nasional Defende...

Xanana: Operasaun Skylight halo Nicolau Lobato mate

Komandante Em Xefe FALINTIL iha tempu...

Close