JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo dekreta EE ba daneen

PR Lú Olo dekreta EE ba daneen

Prezidente Repúblika (PR), Francisco Guterres Lú Olo, iha Sábadu (3/10/2020), dekreta Estadu Emerjénsia (EE) daneen ba loron loron tolu-nulu (30), hahú husi tuku 00.00 iha loron 5, fulan Outubru, tinan 2020 (Segunda Feira) no termina iha tuku 23.59, iha loron 3, fulan Novembru, tinan 2020 (Tersa Feira).

Tuir komunikadu imprensa husi Palásiu Prezidénsial Nicolau Lobato, Díli, loron 3, fulan Outubru, tinan 2020, haktuir, deklarasaun EE sei abranje teritóriu nasionál tomak.

PR dekreta EE hafoin Parlamentu Nasionál, iha loron 3, fulan Outubru, fó autorizasaun ba renovasaun.

Deklarasaun EE sei parsialmente suspende no limite direitu ba sirkulasaun internasionál, liberdade sirkulasaun no fixasaun rezidénsia iha pontu hotu-hotu, iha teritóriu nasionál no direitu ba rezisténsia.

Membru Konsellu Superior Defeza no Seguransa no Konsellu Estadu, iha loron 30, fulan Setembru, rekomenda ba PR atu hato’o mensajen ba Parlamentu Nasionál husu autorizasaun ba renovasaun EE tuir pedidu husi Governu.

Dezde fulan Marsu, COVID-19 nu’udar moras importadu, Timor-Leste implementa kedas EE bainhira rejista kazu pozitivu ida. Implementasaun EE nu’udar medidas preventiva no kontrolu COVID-19 atu hasees sidadaun hotu-hotu husi kalamidade públika.

Husi kedas fulan Marsu, tinan 2020 to’o ohin loron Timor-Leste rejista kazu pozitivu na’in-ida no na’in-27 rekuperadu.

Tama ilegál mai TL sei multa USD 30-250

Nune’e Governu liu husi Konsellu Ministru (KM), aprova medida foun ne’ebé sei implementa, durante períodu Estadu Emerjénsia (EE), ba sidadaun Timor-Oan, inklui estranjeiru ne’ebé tama-sai liu husi dalan ilegál sei selu multa husi USD 30 to’o USD 250.

“Medidas foun ne’e sei vigora bainhira EE foun hahú, maibé iha buat foun balun ne’ebé públiku presiza hatene, relasiona ho sidadaun Timor-Oan inklui ema estranjeiru sira, tama ilegál liu husi fronteira, wainhira kaer toman sei selu multa ho montante osan USD 30 to’o dollar USD 250”, informa, Ministru Prezidensia Konsellu Ministru, Fidelis Leite Magalhães, iha Palásiu Governu, Sábadu (03/10/2020).

Governante ne’e hatutan, bainhira selu ona multa sidadaun ne’e mós sei mai halo kuarentena durante loron 14 no nia rasik mak sei selu.

Governante ne’e esplika, ba sidadaun estranjeiru bainhira tama ilegál, sei deporta, maibé antes atu deporta sei selu multa no sei selu nia kuarentena rasik durante loron 14.

Fidelis esplika, antes ne’e regra ne’e iha, maibé la’o tuir despaixu de’it, maibé agora deside tau iha dekretu Governu ne’e rasik, atu regra ne’e bele klaru liu tan mak sidadaun estranjeiru ne’ebé tama mai Timor-Leste, liu husi fronteira terestre presiza rejista iha konsuladu sira.

“Regra foun ne’ebé sei hatúr mos iha medidas ne’e, sidadaun estranjeiru sira ne’ebé atu tama mai Timor-Leste, liu husi fronteira terestre ita tenke ba uluk ita-nia konsuladu sira, rejistu tiha hetan ona autorizasaun hafoin bele tama, sira labele tama de’it sein hetan autorizasaun previa husi konsuladu sira”, tenik Fidelis.

Governante ne’e subliña, medidas foun ne’e importante, tanba kapasidade kuarentena sira presiza jestaun ne’ebé diak no liu husi meiu ida ne’e TL bele hatene ema hira mak tama.

“Medida ida ne’e fasilita ita halo jestaun diak liu ba ita-nia kuarentena sira, duke ita husik de’it ema hotu tama mai Timor-Leste, ita simu de’it depois de ida ne’e mak ita hasoru difikuldade oi-oin iha fronteira”, afirma Ministru Fidelis.

Fidelis informa mós, ema hirak ne’ebé tama mai ho aviaun laiha problema, la presiza ba rejista iha konsuladu sira, tanba númeru aviaun, inklui ema ne’ebé mak atu mai, rejistu nanis ona, tanba ne’e fasil atu halo kontrolu. cin

Lee hotu :   Komunidade Sanane husu indiminizasaun, PM Alkatiri: Hato’o deit keixa ba tribunal

Add to Comments Here!!!!

error: Content is protected.
Secured By miniOrange
You might also like:
PM Taur: EE daneen fó kbi’it ba Governu reforsa kontrolu

Parlamentu Nasionál (PN) liu husi plenária...

Reitor UNPAZ: Membru PN menus kontrolu ba ezekusaun OJE kada ministériu

Reitór Universidade da Paz (UNPAZ), Adolmando...

Polémika osan sei la mai TL, FRETILIN: Informasaun ne’e la loos

Deputada bankada FRETILIN, Maria Angelica Rangel,...

Close