JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Indonézia nunka aseita Planu Paz

Ramos Horta: Indonézia nunka aseita Planu Paz

Eis Prezidente Repúblika, José Ramos Horta, hateten, Indonézia, liu-liu eis Prezidente Repúblika, Soeharto nunka simu Planu Paz Timor-Leste nian nu’udár meiu atu hakotu konflitu nasaun rua iha pasadu.

Tuir Horta, Planu Paz Conselho Nacional Resistência Maubere (CNRM) nian hanesan estratéjia luta diplomátika, atu avansa kauza Timor-Leste nian no hamenus vítima husi funu iha pasadu.

“Ne’e mak Planu Paz CNRM nian momentu ne’e, maibé rejime Soeharto la simu. Tanba sá mak rejime Soeharto la simu? Ali Alatas rasik hasoru ha’u iha Nova Iorque iha tinan 1994, ne’e ONU mak organiza nia hatete ita boot nia Planu Paz hanesan ponte ida atu haksoit ba indenpendénsia, entaun rejime Soeharto nunka simu”, Diplomata senior ne’e hafoin halo abertura ba espozisaun pintura do dokumentasaun pesoál iha ninia rezidénsia eis titulár Farol-Díli, Kinta (29/10/2020).

Deklarasaun Horta ne’e hodi kestiona kona-bá publikasaun Sekretáriu Jerál (SekJer) partidu FRETILIN iha facebook, iha loron 28, fulan ne’e, ne’ebé hatete, Planu Paz ne’ebé Ramos Horta ho Xanana Gusmão aprezenta iha pasadu hanesan atu aseita autonómia renovável ba tinan 10. Ramos Horta rejeita atu lakohi tama debate ho líder seluk no hateten Indonézia nunka kontinua afirma simu Planu Paz iha momentu ne’ebá.

Diplomata senior ne’e hatete, kuandu halo Planu Paz iha momentu ne’ebá, la’ós deklarasaun prinsípiu la’ós retórika, maibé sukat buat hotu-hotu, inimigu nia hanoin no oinsa mak bele manan liu tan komunidade internasionál nia konfiansa.

“Portantu Soeharto la’ós beik-ten, DepLu la’ós beik-ten, sira haree Planu Paz ne’e sira rejeita. Tanba sá mak rejeita? tanba Planu Paz ne’e prepara duni ba indenpendénsia, haksoit ba indenpendénsia hanesan Ali Alatas hatete”, esplika Horta.

Nia hatete, Planu Paz ne’e la’ós segredu ona no nia sempre ko’alia iha Prémiu Nobel da Paz iha Oslo, iha tinan 1992, 1993, 1994, 1995 no dezafia sé mak hakarak buka hatene kona-bá planu ne’e bele buka de’it iha Google.

“Ha’u hanesan ema ida adultu ona, ha’u lakohi tama fali debate nune’e ho líder seluk. Ne’e imi hakarak husu esklaresimentu liu tan realidade mak ida ne’e Indonézia nunka aseita Planu Paz ida ne’e. Tanba Indonézia rasik hatete ne’e hanesan ponte haksoit ba independénsia”, subliña Horta.

Eis Prezidente Repúblika ne’e hatete, la hanoin atu ataka malu, maske la konkorda ho líder seluk iha kestaun prinsípiu. Tanba tuir Horta iha buat servisu seluk atu halo no buka kontribui nafatin ba rai ida ne’e nu’udár eis Prezidente Repúblika no kontribui nafatin ba mundu.

“Ha’u laiha partidu polítiku, ha’u buka apoia maun Xanana halo agora dau-daun ne’e iha tempu COVID-19 nia grupu konvida ha’u tuir”, tenik Horta. oct

Lee hotu :   Ribeira de Loes causa estragos em 2000 hectares de área agrícola

Add to Comments Here!!!!

error: Content is protected.
Secured By miniOrange
You might also like:
Governu aprova proposta lei hari’i tribunál supremu

Projetu proposta lei hari’i Tribunál Supremu...

HIV/AIDS hamate ona ema na’in 143 iha Timor-Leste

Xefe Programa Moras Hada’et Relasaun Seksuál,...

Xanana Gusmão: Timor-oan hotu tenke respeita kultura Timor

Líder Nasionál Xanana Gusmão, husu Timor-oan...

Close