JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Maun Bo’ot Xanana mak halo negosiasaun ho ONU ba referendu 1999

Ramos Horta: Maun Bo’ot Xanana mak halo negosiasaun ho ONU ba referendu 1999

Diplomata senior Timor-Leste, José Ramos Horta, deklara, eis komandante em xefe FALINTIL, Kay Rala Xanana Gusmão, mak halo negosiasaun ho Organizasaun Nasoens Unidas (ONU) ba referendu iha 1999, nune’e Timor-Leste hetan independénsia.

Tuir Premiadu Nobel ba Paz, José Ramos Horta, katak, krize bo’ot ne’ebé akontese iha tinan 1999, hafoin konsulta popular, hahú uluk husi munisípiu Liquiça.

Eis Prezidente Repúblika, José Ramos Horta hato’o kestaun ne’e, bainhira akompaña líder karismátiku, Kay Rala Xanana Gusmão, distribui nesesidade bázika ba komunidade kbi’it-la’ek sira iha suku Darulete no Asumanu, postu administrativu Liquiça Villa, munisípiu Liquiça, Segunda (26/10/2020).

Horta hateten, krize bo’ot ne’ebé akontese iha Liquiça iha tinan 1999, halo Xanana Gusmão determina ONU bele deside hodi realiza referendu iha loron 31, fulan Agostu, tinan 1999.

“Krize boot hahú iha 1999, hahú iha Liquiça. Maun Bo’ot Xanana mak hamutuk ho ONU halo negosiasaun ba referendu. Ami iha Nova Iorque, Washington, ami tuir de’it buat ne’ebé maun bo’ot Xanana ezije. Tuir de’it buat ne’ebé nia (Xanana) hatete, ami halo. Maibé táktika negosiasaun ne’e nia mak halo ho Nasoens Unidas”, deklara diplomata senior Timor-Leste ne’e.

Iha okaziaun hanesan, eis komandante FALINTIL, Kay Rala Xanana Gusmão, hateten, libertasaun pátria konkista ona, maibé liberta povu husi kiak no mukit kontinua sai ajenda prinsipál ba nia ho Ramos Horta, ne’ebé labele atu husik leet, tanba konsidera hanesan kompromisu ho natureza.

“Ha’u kontente tebes mai iha ne’e. Imi (hatudu ba inan-aman sira neébé tur hela) terus duni, terus to’o 1999, terus buat hotu-hotu, terus liu ohin. Ohin ne’e ita la temi dehan terus. Uluk iha tinan 24 nia laran, ida ne’e mak imi nia terus duni. Terus ida ema ameasa, oho, terus lori sasán, lori oan hotu sa’e foho, balu rende, mate la hakoi”, dehan eis komandante em xefe FALINTIL, Kay Rala  Xanana Gusmão.

Autoridade lokál suku Darulete no suku Asumanu, konsidera presenza líder nasionál nain rua ne’e, la’ós tanba ai-han ne’ebé importante, maibé tanba durante luta ba libertasaun nasionál, povu Timor-Leste rona de’it mak líder na’in rua ne’e nia naran.

“Foin primeira vez mak ita-nia Maun Bo’ot Kay Rala Xanana Gusmão ho Maun Bo’ot Ramos Horta mai iha suku Darulete. Ami kontente teb-tebes, ami hakrúk teb-tebes ba ami-nia Maun Bo’ot Xanana tau matan ba, povu mak ne’e, sira halerik hela kalan no loron, sira dehan Maun Bo’ot to’o mai mak sira mós kontente”, dehan Xefe suku Darulete, Tarcísio Dos Santos.

“Ha’u atan hodi povu Asumanu nia naran agradese no Bem Vindo espesial ba vizita espesial, ba líder na’in rua espesial, ne’ebé mai iha suku ida ne’e, iha ne’ebé geografikamente do’ok husi Liquiça villa”, dehan Xefe suku Asumanu, Bernadino Martins.

Komunidade suku Darulete no Asumanu, simu ho entuziasmu presenza husi lider nasionál nain rua ne’e, maske iha tempu udan monu rai, maibé la hamate komunidade nia vontade hodi rona no haree rasik lider nain rua ne’e. GMN

Lee hotu :   Komunidade aldeia 8 suku Holarua sei moris iha nakukun laran

Add to Comments Here!!!!

error: Content is protected.
Secured By miniOrange
You might also like:
Governu la autoriza kompañia aéreo tula pasajeiru husi Díli ba rai-liur

Governu liu husi Ministru Transporte no...

PM Taur: COVID-19 kontinua sai inimigu TL nian

Primeiru Ministru (PM), Taur Matan Ruak,...

Hakerek cavalos marinhos iha karta ba MTK, MNEK rekoñese hanesan lapsu

Diretór Jerál (DJ) Konsular Protokolár no...

Close