GMN TV Regional Rede internet implika Timor-Leste adere ba ASEAN

Rede internet implika Timor-Leste adere ba ASEAN

Ministra Negósiu Estranjeiru no Kooperasaun (MNEK), Adalgiza Magno, hateten, velosidade internet nei-neik implika tebes Timor-Leste nia mehi atu adere ba Association of Southeast Asian Nations (ASEAN), durante pandémia COVID-19 ne’ebé limita sirkulasaun ba rai-liur.

“Impaktu boot liu mak ita hotu hatene ita-nia rede internet falla hela de’it, dalaruma ita atu halo diskursu ne’e la to’o ba ema atu rona, dalaruma ema la hatene saída mak ita ko’alia, ida ne’e falla boot mós ba MNEK ne’ebé mak atividade atu halo diplomásia la’o la 100% ona hanesan uluk. Impaktu boot liu hanesan ita nia adezaun ba ASEAN ne’ebé mak tuir misaun finál ne’e tenke mai ona para atu buka tan dadus kona-bá ita-nia preparasaun, maibé derepente de’it tenke para totál, tanba ita halo buat hotu-hotu virtuál ne’e ami avalia katak, impaktu COVID ne’e maka’as loos ba ami MNEK”, MNEK ne’e iha palestra ho tema “Dezafiu no Impaktu COVID-19 ba Dezenvolvimentu”, iha salaun Palasíu Nobre foin la-lais ne’e.

Maske nune’e, governante ne’e afirma, MNEK kontinua esforsu atu marka prezensa iha enkontru sira nivel internasionál, liu husi via-online, nune’e mundu labele haluha Timor-Leste.

“Ita susesu loos para atu trava COVID ne’e, maibé tanba ho ita-nia frakeza sira ne’e, iha mundu ladun ko’alia maka’as kona-bá ita nia esforsu ne’e. Ita-nia ema ida la-mate tanba COVID, ita foin rejista kazu 28, maibé ema ida la ko’alia kona-bá susesu ida ne’e, maibé rai sira seluk ne’ebé ativu no sira-nia internet di’ak, sira-nia teknolójia no ekipamentu avansadu no sira-nia website di’ak, sira sempre kampaña mundu tomak hatene kona-bá sira-nia esforsu, maibé ita ne’ebé esforsu ho rezultadu pozitivu liu ne’e, nein ema ida hatene, ida ne’e impaktu no dezafiu boot ida”, subliña Adalgiza.

Entretantu númeru pozitivu iha nível mundiál to’o fulan Outubru ne’e, hamutuk tokon 37.8 no mate tokon 1.08. Maibé Timor-Leste hola parte husi nasaun 22 ne’ebé konsege rejista kazu pozitivu, maibé rekuperadu no la konsege kauza ema mate. mar


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker