Suku Fatumakerek sai inspirasaun ba Xanana bainhira lidera funu

Líder karismátiku, Kay Rala Xanana Gusmão, hatete, suku Fatumakerek sai inspirasaun ba nia parte, bainhira lidera funu hodi kontra okupasaun Indonézia iha Timor-Leste.

Kay Rala Xanana Gusmão hato’o lia hirak ne’e iha suku Fatumakerek, foin la-lais wainhira halo asaun karitativa ba povu kbi’it laek sira iha misaun prevensaun ba COVID-19.

Xanana hatete, fatin fatumakerek sai henesan inspirasaun tanba hahú husi fatin ne’e Xanana hahú koñese Timor laran tomak.

“Hahú iha ne’e maka ha’u bele la’o sa’e foho, tun foho, ba haleu tiha Timor ne’e, hahú husi ne’e, ha’u koñese Timor, ha’u koñese beleza ema dehan keindahan Timor, buat sira ne’e hotu. Husi ne’e mak ha’u sira inspirasaun, la’os inspirasaun idiolójika, tanba barak viva, viva kumu-liman, kumu-liman, sira ba rende tiha fali, inspirasaun ne’ebé haú hetan husi ne’e domin ba rai ida ne’e. Tinan 44, Janeiru mai ne’e tinan 45, husi ne’e. Tanba mate hotu, rende hotu, ami nain rua mesak deit mak moris, moris iha ai-laran Mauhuno Bulerek Karatayano ho ha’u la husu buat ida,  la husu atu sai ida ne’e, sai ida ne’ebá, la’o haleu Timor tomak, Comité Central FRETILIN laiha ona, mate, rende, buat sira ne’e hotu, ami nain rua, ha’u dehan ba Mauhuno ta’es buat sira ne’e, labele bolu bei-beik ha’u viva, viva eroi, eroi mak katuas, ferik sira ne’e”, dehan líder máximu funu ba libertasaun nasionál, Kay Rala Xanana Gusmão ba povu tomak iha Fatumakerek, foin la-lais ne’e.

Hafoin ne’e, Xanana hamutuk ho Timor-Oan sira distribui nesesidade bázika ba komunidade kbi’it laek sira iha fatin refere. nes