GMN TV Regional Xanana Gusmão: Timor-oan hotu tenke respeita kultura Timor

Xanana Gusmão: Timor-oan hotu tenke respeita kultura Timor

Líder Nasionál Xanana Gusmão, husu Timor-oan hotu atu respeita kultura Timor ni’an, tanba Timor-oan nia identidade mak kultura ne’ebé bei-ala sira husik hela.

“Ha’u kontente, tanba bele hasoru imi no atu hatene imi-nia hela fatin no ikus liu ha’u kontente ho imi, tanba ha’u ho imi bele inaugura uma-lisan Binalo, loos duni Maromak mak boot liu sasan hotu-hotu iha mundu rai-klaran, maibé tuir ita-nia kultura ita mós labele haluha ita-nia kultura ne’ebé ita-nia bei-ala sira husik hela mai ita, tanba ida ne’e mak Timor-oan sira-nia identidade loloos atu kontinua halo tuir”, Kay Rala Xanana Gusmão, hato’o lia hirak ne’e bainhira inaugura uma-lisan Binalo, iha aldeia Leubudu, suku Deleco, Postu Administrativu Railaco, munisípiu Ermera, Kuarta (28/10/2020).

Líder karismátiku ne’e mós husu ba jerasaun foun sira atu valoriza nafatin kultura Timor ni’an ba futuru ho di’ak.

“Kultura ne’e mosu kleur ona iha kedas bei-ala nia tempu, tanba uluk ita-nia bei-ala sira fiar mak fatuk hun, ai-hun hodi halo tuir hodi fó matak-malirin ba ita ema moris, realidade hatudu duni ita nia bei-ala sira mate depois entrega ba jerasaun ba jerasaun mai to’o ohin loron”, tenik Xanana.

Iha fatin hanesan, Xefe suku Deleco, Ananias Martins Huno, hateten, uma-lisan Binalo ne’e mai husi AvÓ Kolibere no Bilelo husi Suai-Camanasa no to’o agora uma-lisan ne’e mós ninia jerasaun foun barak ona atu kontinua lidera ba futuru oin mai.

No uma lisan Binalo hari’i iha loron 15, fulan Jullu, remata iha loron 28, Outubru, tinan ne’e, ho orsamentu ba konstrui uma-lisan ne’e mai husi umane-fetosa hamutuk rihun 5 resin”, haktuir Ananias.

Hafoin inaugura uma-lisan ne’e, líder nasionál Kay Rala Xanana Gusmão ho lia na’in sira kuda mós ai-hali besik uma lisan ne’e.

Partisipa iha serimónia inaugurasaun uma-lisan ne’e mak hanesan eis membru Parlamentu Nasionál no eis membru Governu, inklui entidade sira seluk. aba


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker