JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arsénio: Iha estratéjia rasik lori Ró Haksolok mai Timor-Leste

Arsénio: Iha estratéjia rasik lori Ró Haksolok mai Timor-Leste

Prezidente Autoridade Rejiaun Administrativa Espesiál Oe-Cusse Ambeno (RAEOA) no Zona Espesiál Ekonomia Sosiál no Merkadu (ZEESM), Arsénio Paixão Bano, hateten, autoridade RAEOA iha ninia estratéjia rasik atu lori fila Ró Haksolok mai Timor-Leste no garante katak, ho osan adisionál USD tokon 14 ne’ebé autoridade propoin ba Governu sentrál, sei termina prosesu konstrusaun Ró Haksolok.

“Ha’u ho kolega sira halo esforsu tomak hodi lori Ró Haksolok mai. Iha informasaun balun que diskusaun la’o hela, ami la naran ko’alia sai. Ami tau osan para atu asegura, la’ós hanesan ema balun dehan ami atu selu fali kompañia falladu ne’e. Autoridade Oe-Cusse iha nia estratéjia rasik, ha’u fiar ho apoiu Governu sentrál nian no ami mós husu apoiu husi Dr. Marí Alkatiri para Ró Haksolok ne’e ami bele lori mai Oe-Cusse. Investigasaun la’o nafatin, ami-nia esforsu mós la’o nafatin, laiha problema”, Prezidente Autoridade RAEOA-ZEESM ne’e hafoin abertura formasaun estabelesimentu sistema Free Balance iha RAEOA, Kuarta (17/11/2020), relasiona ho preokupasaun públiku kona-bá prosesu konstrusaun Ró Haksolok ne’ebé to’o oras ne’e seidauk finaliza, tanba empreza refere iha hela situasaun falénsia ka bankarota nia-laran.

Arsénio Bano subliña, Orsamentu Jerál Estadu (OJE) ba tinan 2021 Governu prevé USD tokon 127 resin ba RAEOA, hodi kontinua programa prioridade balun husi Governu Sentrál kona-bá prevensaun COVID-19, liu husi estabelesimentu fatin kuarentena no izolamentu, estabelesimentu ba perfurasaun bee-moos no programa seluk tan.

Ró Haksolok konstroi iha Lisboa Portugál, husi empreza Atlantic Eagle Shipbuilding no autoridade RAEOA antes ne’e aloka ona osan ho montante USD tokon 20, maibé dau-daun ne’e sai polémika ba povu Timor-Leste, tanba konstrusaun ne’e paradu hela, tanba laiha orsamentu atu kontinua prosesu konstrusaun. san

Lee hotu :   ARNLV-Governu sei identifika veteranu falsu

Add to Comments Here!!!!

error: Content is protected.
Secured By miniOrange
You might also like:
CNRT kestiona autoridade RAEOA propoin rihun USD 70

Deputada CNRT, Maria Fernanda Lay, kestiona...

Xanana ba check up nia saúde iha Jakarta

Eis Prezidente Repúblika (PR), Kay Rala...

PR Lú Olo husu KKLN fó liman ba malu serví TL

Prezidente  Repúblika (PR), Francisco Guterres “Lú...

Close