JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Udan-anin hafalun komemorasaun loron proklamasaun RDTL ba da-45

Udan-anin hafalun komemorasaun loron proklamasaun RDTL ba da-45

Serimonia isar bandeira hodi komemora loron proklamasaun independénsia Timor Leste ba da-45 iha aldeia Pisu Kraik, suku Lauhata, postu administrativu Bazartete, munisípiu Liquiça, Sábadu (28/11/2020) ne’e la’o ho susesu. Maibé iha parte lorokraik mais ou menus iha tuku 04:30 bainhira komisaun organizadora prepara hela fatin ba serimonia hatún bandeira, teki-teki anin no udan ho intensidade boot sobu fatin serimonia refere, halo partisipante sira triste hodi halai tun-sa’e, tanba pániku ho akontesimentu dezastre naturál ne’ebé bo’ot tebes.

Tenda hamutuk lima inklui mós tenda ba bainaka espesiál sira ne’ebé komisaun organizadora prepara anin sobu hotu no kadeira plástiku balu tohar.

Tuir observasaun GMN, anin no udan ne’ebé mai derepente provoka mós rai-rahun maka’as nune’e implika komunidade, inklui membru Governu no mós bainaka sira seluk ne’ebé prepara atu tuir serimonia hatún bandeira ne’e halai namkari no hasees-an.

Maske nune’e bainhira anin no udan para, serimonia hatún bandeira la’o nafatin, ne’ebé diriji husi Prezidente Parlamentu Nasionál (PPN), Aniceto Guterres Lopes.

Veteranu Liquiça konsidera MAE falla organiza

Entretantu veteranu munisípiu Liquiça, Vicente da Cruz da Conceição “Rai Los”, konsidera, Ministériu Administrasaun Estatál (MAE) falla organiza selebrasaun loron proklamasaun independénsia 28 de Novembro ba da-45.

Vicente Rai Los, hateten, veteranu sira hetan hotu konvite atu tama iha komisaun organizadora, maibé komisaun sira la konvida atu diskute kona-bá preparasaun sira hodi komemora loron 28 de Novembro iha munisípiu Liquiça.

“Ladún bem organizado, koordenasaun entre Komisaun Nasionál ho munisípiu laiha, ladún bem organizado, atividade de’it hotu mai husi nasionál, ema ke’e rai de’it mós mai husi nasionál, ami Liquiça ke’e la hatene. Ha’u sente ne’e lamentável, ladún iha kapasidade atu organiza eventu sira hanesan ne’e. Ha’u lamenta tanba primeiru komisaun no subkomisaun ne’ebé forma husi munisípiu, ha’u haree sira-nia movimentu kooperasaun la di’ak, la la’o no laiha. Komisaun Nasionál ladún konsidera, nune’e mós envolvimentu ema iha fatin ida ne’e ba atividade preparasaun ne’e ema mai husi Díli, ke’e rai mai husi Díli. Atu dehan de’it kompañia lokál sira barak hela, bele barani ateru la’ós ateru ho aviaun, maibé ateru ho mákina ne’e iha, maibé la konsidera. Ida ne’e dezentralizasaun hanesan retórika de’it”, Veteranu munisípiu Liquiça hato’o lia hirak ne’e hafoin partisipa iha serimónia isar bandeira nasionál ba komemorasaun loron proklamasaun independénsia Timor-Leste ba da-45, iha suku Lauhata, munisípiu Liquiça, Sábadu (28/11/2020).

Rai Los rekomenda ba Xefe Governu, Taur Matan Ruak, atu indika Ministru ne’ebé iha vizaun luan, hodi organiza serimonia nasionál sira. 

Ministru Administrasaun Estatal, Miguel Pereira de Carvalho, hateten, Governu sentrál responsabiliza ba atividade sira ne’ebé ho nia natureza ne’e sentrál. Liu-liu atividade sira ne’ebé autoridade munisípiu sira labele halo.

“Ezemplu hanesan preparasaun ba tenda Very Very Important Person (VVIP), maibé komisaun organizadora a nivel nasionál aloka osan ho montante besik rihun 50 ba munisípiu Liquiça atu nune’e bele realiza atividade sira seluk, ezemplu halo tenda ba komunidade sira ne’ebé ba partisipa hodi tur ne’e munisípiu mak organiza. Osan ba munisípiu ne’e autoridade sira entrega ba lideransa komunitária sira mobiliza komunidade sira mai to’o iha ne’e. Sira mak prepara fatin ne’e ba isar bandeira no ba feira no ema barak tebes mak mai partisipa. Ho ida ne’e dehan katak, la envolve autoridade lokál, ne’e ita ko’alia la loos ona. Ha’u hanoin Institutu Jestaun Ekipamentu (IJE) mak mai ateru, la’ós kompañia sira mak mai ateru”, subliña Governante ne’e.

Komemorasaun loron proklamasaun independénsia 28 de Novembro ba da-45 ne’e hala’o ho atividade sira hanesan desportu komunitáriu, feira, missa agradesimentu no konsertu múzikal iha loron 28 kalan. Komemorasaun loron 28 Novembru ba tinan ida ne’e, Governu gasta osan ho montante USD rihun 300 resin. oct

Lee hotu :   RAEOA-ZEESM TL simu aprezentasaun orsamentu tinan 2020

Add to Comments Here!!!!

error: Content is protected.
Secured By miniOrange
You might also like:
Hakarak dezenvolve nasaun, setór privadu tenke iha kapasidade

Ministru Koordenadór Asuntu Ekonómiku (MKAE), Joaquim...

CCI-TL: Governu tenke hadi’a lei difikulta setór privadu nasionál

Prezidente Câmara de Comércio e Indústria...

CNRT apoia Cedelizia lori PPN ba tribunál

Bankada CNRT sei fó apoiu ba...

Close