JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu Ermera diskorda líder ParPol balun tenta hasés Xanana husi palku polítika TL

Veteranu Ermera diskorda líder ParPol balun tenta hasés Xanana husi palku polítika TL

Veteranu Ermera sira apela ba líder Partidu Polítiku (ParPol) balun ne’ebé gosta hakerek aat arbiru iha Facebook hodi akuza no ataka eis komandante em xefe FALINTIL, Kay Rala Xanana Gusmão, laiha faktu atu para ona, liu-liu kuandu líder polítiku sira balun tenta hasés Xanana husi palku polítika Timor-Leste (TL), mak veteranu sira prontu mate tan dala ida hodi defende nia. Tanba rai ida ne’e sei presiza maun boot Xanana nia tulun atu hasai povu husi kiak no mukit.

Veteranu Ermera sira hatete, durante ne’e eis komandante em xefe FALINTIL nunka akuza ema ida iha rai ida ne’e no nia hakarak de’it atu lori rai ne’e ba oin tuir konstituisaun no lei, hodi hadi’a povu nia moris. Maibé iha líder ParPol balun mak loro-loron tur la metin hodi buka ataka no akuza maun boot Xanana sein faktu iha média sosiál facebook.

“Kuandu líder polítiku balun ko’alia hasés maun bo’ot Xanana, ida ne’e hanesan sobu veteranu, ida ne’e ami la simu, ami sei la simu, ami prontu atu mate ba ida ne’e mós prontu kuandu ema ida hasés maun Xanana iha rai ida ne’e”, Veteranu Bento Ximenes ”Moruk” ba GMN iha Ermera semana kotuk.

Veteranu Ermera sira mós apela ba líder ParPol máximu balun ne’ebé gosta hakerek iha facebook hodi trata no ataka eis komandante em xefe FALINTIL, Kay Rala Xanana Gusmão laiha faktu, akuza nia arbiru atu para ona, tanba Xanana nunka akuza ema ida iha rai ida ne’e, tanba Xanana fuan boot ba rai ida ne’e, atu hakmatek, atu nune’e lori dezenvolvimentu ba povu no nasaun”.

Veteranu Ermera sira mós husu ba líder ParPol balun atu ko’alia sukat-ibun ba líder rezisténsia, Kay Rala Xanana Gusmão.

Veteranu Ermera konsidera, Kay Rala Xanana Gusmão hanesan líder rezisténsia no mós komandante em xefe FALINTIL, tanba ne’e líder polítiku sira labele ko’alia akuza ema arbiru hasoru Xanana Gusmão, tanba Xanana nunka gosta ataka ema, tanba nia hakarak unidade no dezenvolvimentu ba povu no nasaun ida ne’e.

Veteranu sira husi munisípiu Ermera hato’o deklarasaun ne’e, relasiona ho líder ParPol balun ne’ebé ko’alia iha rede sosiál facebook hakarak dismistifika Kay Rala Xanana Gusmão.

Veteranu sira mós hateten, Xanana líder ida ne’ebé iha prinsípiu, aten-barani dezde iha ai-laran no ho nia matenek mak organiza funu hafoin baze apoiu rahun.

“Lideransa maun boot Xanana nian hanesan mós uluk ne’e servisu duni ba rai ida ne’e, ne’ebé fó-an ba mate ba rai ida ne’e. Na realidade matebian, Maromak sei fó nafatin tulun ba nia, haú hanoin ida ne’e difísil uitoan atu hatún nia, tanba nia lideransa ida que máximu, nasaun hotu-hotu koñese sé mak Kay Rala Xanana Gusmão, nia hatutan nafatin saudozu sira ne’ebé mate no ho nia polítika, nia estratéjiku kona-bá luta ohin loron TL sai nasaun ida independente”, deklara veteranu João Felisberto ”Bibi Malae”.

“Hanesan liafuan ne’ebé ema ko’alia, nia ko’alia ba nia-an rasik no ko’alia ba nia mak rona. Líder polítiku sira bainhira ko’alia embora bele demokrasia, maibé ko’alia tenke sukat, tenke tetu, labele arbiru”, Veteranu Alfredo Soares ”Koko La Fera”.

“Ha’u sente katak ba ida ne’e (líder ParPol balun hatete arbiru Xanana sein faktu) uluk sei iha rezisténsia, iha guerilla karik maun Xanana mak lidera, ne’ebé sé mak hatete aat nia, ami la simu”, haktuir veteranu Domingos Borges Soares ”Halibur”.

“Hanesan ema balu hatete dehan atu hasés maun Xanana, ne’e nia uluk la partisipa iha funu ne’e. Maibé ita hotu hatene katak, uluk membru Comité Central da FRETILIN monu hotu, hela maun Xanana de’it ho maun rua mak reziste iha ai-laran. Maun Xanana mak halo reorganizasaun iha 1980 e tall ba leten ne’e hodi kaer nafatin funu ne’e, hodi kaer metin unidade nasionál, hodi oras ne’e hetan ukun rasik-an”, deklara veteranu Jorge Manuel ”Pos Kompi”.

Veteranu sira ne’e konsidera, la’ós ona tempu atu hatún husi nia movimentu, tanba Xanana hamutuk ho povu dezde uluk to’o ohin loron. GMN

Lee hotu :   Labele asesu ba ai-han, bolseiru Timor-oan iha Wuhan-Xina ameasadu

Add to Comments Here!!!!

error: Content is protected.
Secured By miniOrange
You might also like:
Prosesu judisiáriu kleur, halo labarik sira sai vítima

Komisária Nasionál Direitu Labarik (KNDL), Dinora...

Governu sei halo pagamentu ba funsionáriu MF prepara OJE 2020

Ministru Prezidénsia Konsellu Ministru (MPKM), Fidelis...

Governu aprova pagamentu saláriu désimu terseiru ba FP

Governu aprova projetu dekretu lei kona-bá...

Close