JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fortalese ensinu báziku no bee-moos, Governu sei asina akordu ho Banku Mundiál

Fortalese ensinu báziku no bee-moos, Governu sei asina akordu ho Banku Mundiál

Konsellu Ministru (KM) iha Kuarta (9/12/2020) aprova akordu finansiamentu entre Repúblika Demokrátika Timor-Leste (RDTL) no Banku Mundiál ne’ebé aprezenta husi Ministru Finansa (MF), Rui Augusto Gomes.

Objetivu husi akordu ne’e atu finansia projetu fortalesimentu ensinu báziku iha Timor-Leste no dezenvolvimentu infraestrutura bee no saneamentu iha munisípiu Baucau. Akordu ne’e sei asina husi MF ne’ebé reprezenta Governu Timor-Leste.

“Akordu ho Banku Mundiál ne’e iha parte rua, ida mak kona-bá fortalesimentu sistema edukasaun bázika iha Timor-Leste, alende ne’e MF mós ohin hetan fiar husi Governu atu asina akordu ida ho Banku Mundiál kona-bá finansiamentu ba bee-moos iha munisípiu Baucau”, Ministru Prezidénsia Konsellu Ministru (MPKM), Fidelis Magalhães.

KM aprova mós projetu Dekretu Governu ne’ebé aprezenta husi Ministru Turizmu Komérsiu no Indústria, José Lucas do Carmo da Silva kona-bá alterasaun dahuluk ba Dekretu Lei númeru 12/2019, loron 14, fulan Juñu kona-bá orgánika ministériu nian.

“Ho alterasaun ida ne’e loke dalan ba iha MTKI atu bele asume ninia responsabilidade ba situasaun hirak ne’ebé enfrenta hela husi pesoál sira ne’ebé servisu iha merkadu sira, liu-liu hirak ne’ebé iha tinan ida ne’e nia-laran hasoru impedimentu balun. Tanba situasaun kontratuál no antes ne’e iha atribuisaun kompeténsia ne’ebé ladun klaru”, tenik Governante ne’e.

Alende alterasaun hirak ne’ebé aprova ona iha sorumutu KM iha loron 20, fulan Novembru, tinan 2020, projetu dekretu ne’e agora aprova ona, hodi rekoñese kompeténsia tranzitória Ministériu Turizmu, Komérsiu no Indústria, hodi halo kontratu pesoál ba merkadu Taibessi no merkadu Manleuana. oct

Lee hotu :   Semana oin CCT sei exporta kafé tonelada 180 ba Amerika-Nova Zelandia

Add to Comments Here!!!!

error: Content is protected.
Secured By miniOrange
You might also like:
KHUNTO: Governu lalika apoia kuarentena ba sidadaun mai husi rai-liur

Xefe bankada KHUNTO, Olinda Guterres, sujere...

La sériu investe iha setór produtivu, LH: TL depende de’it produtu importasaun

Peskizadór La’o Hamutuk (LH) Asuntu Agrikultura...

Governu preokupa PN aprezenta proposta alterasaun barak

Ministru Finansa (MF), Rui Gomes, preokupa...

Close