JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mota estraga kintál no natar, Abitante Guico-Lisadila ezije Governu normaliza la-lais

Mota estraga kintál no natar, Abitante Guico-Lisadila ezije Governu normaliza la-lais

Abitante suku Guiço no Lisadila, postu administrativu Maubara, munisípiu Liquiça, husu ba Governu atu normaliza la-lais mota Loes no mota sira seluk ne’ebé sai risku ba suku rua ne’e, tanba durante udan loron hira ne’e estraga abitante sira-nia kintál no natar.

“Parte Institutu Jestaun Ekipamentu (IJE) mai suru ona rai-henek iha mota hirak ne’e, maibé ne’e la sufisiente no kontinua fó ameasa ba komunidade iha tempu udan. Husu ba Ministériu Obras Públika (MOP) atu hatun tékniku hodi tulun, satán no hadi’a mota sira ne’ebé fó risku ba komunidade, liu-liu mota Loes, tanba halakon natar no hela fatin iha área transmigrasaun Block C, D no E. Mota sira hanesan Loico, Emderlua, Kaipokulua, Goumaulua iha suku Lisadila estraga ona komunidade nia kios, kapela no uma-kain hamutuk 79, ho totál populasaun 300, inklui mós iha tinan 2019 to’o 2020 mota Ai-Alulua afeta ba komunidade iha suku Guiço ho uma-kain hamutuk 30 no estraga to’os hamutuk 40, inklui ai-horis, lutu no animál iha luhan laran”, Xefe suku Lisadila, Fernando Lobo liu husi konferénsia imprensa, Segunda (15-12-2020).

Husi sorin seluk, Xefe suku Guico, Liberato Araújo Nunes mós preokupa ho abitante sira-nia to’os ne’ebé dau-daun ne’e nakonu ho rai-henek, nune’e labele halo produsaun agrikola, hodi sustenta moris loro-loron.

“Uma fatin no sira-nia to’os sai ba mota, ko’alia kona-bá dezenvolvimentu agrikultura ita tenke kuidadu uluk mak rai, sé rai hirak ne’e mak sai mota tiha, ami atu halo to’os iha ne’ebé, komunidade balun han fatin tebes mós laiha, balun hanoin atu hakiak animál, tanba rai atu halo to’os mos laiha”, tenik Liberato.

Abitante, Manuel da Silva mós husu ba Govenru atu fó apoiu la-lais, tanba wainhira tempu udan volume bee bele to’o metru tolu, nune’e lori ho rai-henek ba abitante nia to’os no natar sira.

Liu husi apoiu peskiza ne’ebé Mata Dalan Institute (MDI) halo konsege identifika problema ne’ebé abitante suku rua hasoru, hanesan abitante sira lakon ona rai poténsia hektare 62 metru kuadradu no lakon ai-laran kauza husi mota 20 iha suku rua refere. ida

Lee hotu :   Xanana: Planu atu dezenvolve TL hahú iha Lequidoe

Add to Comments Here!!!!

error: Content is protected.
Secured By miniOrange
You might also like:
PNTL investiga kazu deskonfia membru polísia tiru Alexandre iha Comoro

Vise Ministru Interior (MI), António Armindo,...

MKAE simu ona relatóriu husi CAC kona-bá kazu Díli Mart

Ministru Koordenadór Asuntu Ekonómiku, Joaquim Amaral,...

PN: Presu sesta bázika la tuir promesa husi Governu

Bankada CNRT iha uma fukun Parlamentu...

Close