GMN TV Saude e Educação MSS hasa’e koñesimentu lider komunitaria

MSS hasa’e koñesimentu lider komunitaria

0 views

Governu liu husi Ministeriu Solidariedade Sosial (MSS) fahe koñesimentu ba lider komunitaria sira Munisípiu Liquiça oinsa atu proteje vítima labarik no feto iha violensia domestika.

 “Objetivu esensial husi seminariu ne’e mak, foti asuntu protesaun sosial no justiça formal ba vítima violensia domestika no violensia bazeia ba jeneru, inklui labarik sria ne’ebé hasoru situasaun risku no perigu,”hatete Diretor Diresaun Nasional Dezenvolvimentu Nasional Florencio Pina Dias Gonzaga ba Jornalista sira iha Salaun Enkontru Administrasaun Munisípiu Liquiça, Tersa (09/01/2018).

Florencio akresenta, iha oportunidade ne’e orador sira ne’ebé relavante ba asuntu refere partisipa hotu, hodi pasa informasaun ba autoriedade lokal hodi bele iha koñesimentu klean konaba asuntu sira ne’ebé ligadu ho violensia domestika no violensia bazeia ba jéneru,

“Mesmu ida ne’e sira mos bele koñese kna’ar sira ne’ebé iha parte relevantes implementa, liu liu ba area ami nian ligadu ho kna’ar ministeriu soliedariedade sosial ne’ebé defini ona iha lei kontra violensia domestika iha numeru 7/2010 nian,”dehan nia.

Nia afirma, iha ámbitu ne’e, oinsa atu membru rede referal sira bele halo diskusaun direta ho peritu sira no matenek nain sira mai husi nasional, hodi hatene klean konaba prosesu lolos ne’ebé ligadu ho violensia domestika.

Iha faitn hanesan , Administrador Munispiu Liquiça, Domingos da Conçeição dos Santos, realsa, seminariu ne’e importante tebes, husi envolvimentu kompenente sira hahú husi lider komunitaria sira atu hasa’e koñesimentu sira nian, no mos oinsa atu fasilita lider komunitariu sira nia asesmentu ba setor justisa, nune’e la’os ida ne’e deit, oinsa bele reintegra fila fali vítima domestiksa sira ba fali sosiedade.

“Ha’u-nia monitorizasaun ka akompañamentu ba lider komunitariu sira ne’e ba esperiensia lider komunitariu sira nia durante ne’e, sira seidauk halo separasaun didiak konaba kauza sira mais orientadu, iha ne’ebé problema ne’ebé todan, mais tenki esforsu atu rezolve,” hatutan  Administrador ne’e.

Biban ne’e, Xefi Suku Maumeta Postu Adminstrativu Bazartete, Munisipiu Liquiça

Vitor da Silva salienta, durante ne’e sira sempre propoen atu bele iha seminariu sira hanesan agora halao dadauk ne’e, seminariu hanesan ne’e oradores mai husi parte relevantes sira, ne’ebé esplika prosesu kazu violensia domestika no mos abandona inan ho oan.

“Ami presija informasaun, oinsa prosesu atende kazu violensia domestika refere ho lalais, atu nune’e mosu mai, ba prosesu kedan no julga hodi hatan tuir lei, no esperansa ha’u nian ba oin, ho seminariu ne’e, fo kapasitasaun atu atende prosesu  ba kazu domestiku sira ho lalais,”realsa Vitor.Oly


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker