Parlamentu Nasionál, Kuarta (16/01), asina akordu ho Hospital Manipal Malázia atu fó tratamentu saúde ba deputadu no funsionariu Parlamentu Nasionál wainhira moras.
Akordu kooperasaun ho nia durasaun tinan ida ne’e asina husi Sekretariu Jeral Parlamentu Nasionál, Adelino Afonso de Jesus ho dotor Gaurav Rekhi husi Hospital Manipal Malazia.
Sekretariu Jerál Parlamentu Nasionál, Adelino Afonso de Jesus, hatete ba tinan 2019 ba oin Parlamentu Nasional iha planu hodi estabelese kontratu momerandu de intendimentu ida entre Hospital rua maka hanesan Manipal Malázia no Hospital Siloam Indonesia ne’ebé sei halo mos akordu iha semana oin nune bele halo tratamentu ba Deputadu inklui funsionario PN nian, karik Hospital Nasional Guidu Valadares labele halo atendementu.
“Ami halo kontratu ne’e ho durasaun tinan ida, kontratu ne’e anual, depois halo revizaun bainhira tama fim do ano, no iha kontratu nia klaran mos bele halo revizaun tantu husi parte PN ho Hospital ne’ebé asina kontratu karik iha buat ruma lalos bele reve fali kontratu ne’e,” dehan Sekjer PN Adelino Afonso de Jesus.
Nia dehan tan, planu ne’e Parlamentu Nasional trasa kelur ona, tanba iha tinan-tinan liu ba ne’e Parlamentu Nasionál kontratu ho hospital rua maka hanesan Hospital Singapura nian no hospital Siloam, Indonézia.Nes
