GMN TV Saude e Educação Falta mákina fase rán iha HNGV, impaktu ba vida pasiente

Falta mákina fase rán iha HNGV, impaktu ba vida pasiente

0 views

Reprezentante povu iha uma fukun Parlamentu Nasional (PN), liu-liu deputadu bankada FRETILIN, Antoninho Bianco, kestiona no preokupadu teb-tebes ho mákina fase rán ne’ebé la sufisiente iha Hospital Nacional Guido Valadares (HNGV), tanba sé kontinua ho situasaun ida ne’e, bele fó impaktu ba pasiente sira nia vida.

 “Makina ita fase rán ne’ebé la sufisiente iha HNGV, ne’e sei fó impaktu ba ema nia vida, hanesan ba sira ne’ebé sofre moras rins, pasiente balun fase ran loro-loron no balun semana ka fulan maka fase rán, ita la presiza dada tempu atu rezolve”, Deputadu bankada FRETILIN ne’e liu husi ninia intervensaun iha plenária, Segunda (14-01-2019).

Tanba ne’e Antoninho Bianco husu ba Ministériu Saúde (MS), atu rezolve problema ne’e ho urjensia, atu nune’e bele responde la-lais nesesidade pasiente fase rán sira-nian, tanba kuandu tarde minutu ida ka rua nia laran, belé hakotu pasiente nia vida.

“Ita haree problema ida ne’e, tenki responde ho urjensia, se belé aban (15/01) hanesan ne’e iha ona informsaun hodi solusiona, tanba problema ne’e importante liu, problema hotu-hotu ne’ebé mak durante ne’e ita foti iha plenaria”, hateten deputadu bankada FRETILIN ne’e.

Entretantu antes ne’e mós, pasiente fase rán sira iha HNGV preokupa  ho sistema atendimentu pesoal saúde fase ran ne’ebé atraza, tanba prezudika liu tan pasiente sira nia moras.

Enkuantu hatan ba preokupasaun ne’e, Diretór Ezekutivu HNGV, Aniceto Barreto hateten, preokupasaun pasiente sira ne’e pertinente teb-tebes, tanba ne’e, Diretór Ezekutivu HNGV ne’e kompromete sei esforsu makaas, hodi halo la-lais prosesu transportasaun ekipamentu hemodialisis foun mai  iha tempu badak nia laran. ety


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker