GMN TV Saude e Educação HNGV infrenta problema menus pesoal saúde no mákina fase-ran

HNGV infrenta problema menus pesoal saúde no mákina fase-ran

0 views

Eis  Xefi Unidade   Hemodialisis Hospital Nacional Guido Valdares (HNGV), Evangelinho da Costa,  rekomenda ba Ministériu Saúde atu  aumenta  númeru pesoal saúde  iha unidade  hemodialisis nian, tanba kada loron númeru pasiente sempre  aumenta.

Alende ne’e, Evangelinho mós husu ba Ministériu Saúde atu  atu aumenta  mákina hemodialisis nian .

“Total pasiente ne’ebé mak iha hamutuk nain 70 resin, tanba ne’e ami fahe ba tornu tolu, primeiru turnu nain 9, segundo turnu nain 9, nomós terseiru turnu nain 9,  inklui  pasiente foun hamutuk nain 77, tanba pasiente barak demais, entaun ami husu para  karik bele aumenta pesoal saúde, nomós aumenta mákina, tanba kada loron pasiente fase ran  tenki tama iha ne’e nain lima mai kraik, entaun tenki aumenta pesoal saúde nomós mákina, tanba ba oin ita labele hatene posibilidade aumenta”, hateten Evangelinho ba jornalista sira iha HNGV Bidau Díli, Sesta (25/1/2019).

Evangelinho hatutan, alende aumenta  pesoal saúde no mákina, problema seluk ne’ebé mak  unidade refere infrenta mak, to’o agora, unidade refere seidauk iha  dutor espesialista kona ba moras nian, nune’e durante ne’e enfermeiru nain rua nolu resin de’it mak halo tratamentu.

 “Servisu hotu ami halo tuir esperensia ne’ebé mak durante ne’e ami iha, tanba durante ne’e ami  enfermeiru a de’it, laiha tékniku ou dutor espesialista, iha Cuba na’in hat de’it mak iha, tanba ne’e ha’u hanoin ba oin Ministériu Saúde  presiza haree mós ba kestaun ne’e, tanba atende pasiente fase  ran ne’e la’os buat halimar”, tenik nia.

Alende ne’e,  sira mós preokupa ho kondisaun infra-estrutura HNGV, tanba   oras ne’e dadauk kondisaun la premiti ona atu akumula pasiente  ne’ebé ho númeru barak, tanba  alende kleur ona, kondisaun infra-estrutura  HNGV mós klo’ot  ona, tanba pasiente barak demais, hodi  fatin baixa entre pasiente moras bai-bain ho moras TBC  laiha ona espasu.

“Problema ne’ebé mak ami infrenta iha ne’e mak, liu-liu tékniku profesionais, liu-liu médiku, enfermeiru nomós parteira, tanba servisu ita atu fahe mas presiza ema, tanba ne’e mak to’o agora ami seidauk koloka médiku sira ba kada sala, tanba  lato’o. Problema seluk ne’ebé mak ami infrenta mak  ekipamentus, tanba ita labele  transfere pasiente mai Díli bainhira ekipamentus la esteril, problema seluk fali mak espasu moras bai-bain ho moras TBC agora fatin besik malu, tanba laiha fatin atu tau pasiente  moras TBC, ne’ebé lolos tenki iha sala isolado ne’ebé tenki dok husi  pasiente moras bai-bain”, Diretor  Ezekutivu  Hospital Referensia Maubise, Plasido hateten.

Hatan ba kestaun ne’e, Segundo Vice Ministru Saúde Asuntu Planu Dezenvolvimentu Saúde, Bonifácio Maucoli dos Reis, hateten Ministériu Saúde halo ona levantamentu dadus ba problema hirak ne’e, no sei haree kapasidade orsamentu.

“Sim ida ne’e problema  ida ne’ebé mak la’os HNGV de’it mak  infrenta, maibé kuaze  hospital Referensia hotu infrenta,  ami  foti ona  dadus ne’ebé ami planu ona atu halo rekrutamentu  ba pesoal saúde kuaze rihun atus tolu resin, tantu médiku, enfermeiru nomós parteira, tanba ita atu halo tratamentu ida ne’ebé mak di’ak, kada sentru saúde, no postu saúde tenki iha médiku ida, parteira ida, farmasista ida nomós enfermeiru ida no analista ida, nune’e mós HNGV no  hospital referal sira”,relata Bonifácio hateten.ola


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker