GMN TV Saude e Educação Madre Guilermina: Edukasaun fatin aprende no hadia karakterístika umanu

Madre Guilermina: Edukasaun fatin aprende no hadia karakterístika umanu

0 views

Provinsiál Canosiana iha Timor-Leste, Madre Guilermina, hateten, edukasaun iha tempu agora la’os aprende no atu desenvolve estudante sira nia matenek deit, maibé tenke iha konsiénsia hodi hadia sira-nia karakterístika umanu ho nune’e wainhira estudante remata nia eskola bele iha tranformasaun ba nia-an. 

“Edukasaun ne’e integral katak edukasaun ba kakutak, fuan no hahalok tanba edukasaun tranforma ema no halo ema sai ema lolos maibe presija sensibilizasaun umanu no sensibilizasaun intelektual moral espiritual ne’ebé dehan katak ulun, fuan no hahalok tenke la’o hamutuk,” dehan,  Madre Guilermina iha Eskola São José Operario Balide, Segunda (13/01/2020).

Iha oportunidade ne’e, Madre Guilermina mos hato’o nia palestra ba estudante no profesór sira ho tema prinsipal ‘papél estudante no edukadór  iha dezenvolvimentu ba rai doben no igreja’ ho objetivu atu estudante sira ne’e bele hatene sira knar lolos atu bele kontribui ba dezenvolvimentu rai ida ne’e nian.

Madre Guilermina mós husu ba inan aman no profesór sira hodi bele hahú hanorin no fó edukasaun moral ne’ebé másimu ba estudante sira liu-liu iha tempu ne’ebé nakonu ho mudansa teknolojia nian.

Nune’e mos, Padre Venceslau Tomas de Deus hateten, atu sai estudante ne’ebé di’ak la’os deit husi nia valór kaderneta ne’ebé boot maibé husi nia atitude no domin ne’ebé hatudu ba ema hotu.

“Ba Alunus sira ne’e diak liu nia iha komportamentu ne’ebé diak iha domin bot ba nia eskola no atu tulun buat hotu iha nia eskola halo nia eskola naran morin, buat hirak ne’e folin liu, duke nia sai husi fatin ne’e ho valór bot maibe sai ba estraga tan eskola nia naran ida ne’e ita lakohi, hakarak estudante aprende no aproveita buat ne’ebé iha,” dehan, Padre Venceslau.

Padre Venceslau hein katak, iha futuru Governu Timor-Leste bele iha planu no politika liu-liu iha parte edukasaun hodi konsidera mos ema nia atitude moral molok hare’e ba nia intelektualidade.

Ho nune’e, Padre Venceslau mos husu ba inan-aman no profesór sira atu tulun no hanorin estudante sira sai ema ne’ebé nakonu ho responsabilidade no respeita malu nune’e sai fini ne’ebé di’ak ba nasaun iha futuru. Ida    


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker