GMN TV Saude e Educação MESSK sei asegura kualidade iha Ensinu Superior sira

MESSK sei asegura kualidade iha Ensinu Superior sira

0 views

Governu Konstitusionál da-ualu liu husi Ministru Ensinu Superior Siensia no Kultura (MESSK), iha programa prinsipál ne’ebé sei tau prioridade  iha área Ensinu Superior  mak atu asegura kualidade no prosesu ensinu no aprendizajen iha instituisaun hotu iha Ensinu Superiór Públiku no Privadu.

“Ho objetivu atu Timor-Leste bele gradua joven sira ho kualifikasaun ne’ebé adekuadu, maske kualifikasaun ne’e rasik sei sai hela hanesan dezafiu bo’ot, ne’ebé mak ita-nia rai enfrenta hela, dehan Ministru Ensinu Superior Siensia no Kultura, Longuinhos dos Santos, iha nia diskursu serimonia gradusaun UNPAZ sabado (28/12/2019) iha Manleu Díli.

Ministru Ensinu Superior haktuir, planu Estratéjiku Dezenvolvimentu Nasionál nian ba tinan (2011-2030) hatu’ur katak, ida ne’ebé sai riku soin bo’ot ba ita-nia nasaun mak forsa husi ita-nia povu sira, ne’ebé mak liu husi edukasaun no formasaun hanesan xave ba hadia oportunidade iha ita-nia povu sira-nia moris.

“Iha Planu ida ne’e hatu’ur katak, edukasaun no formasaun sai fundamental ba kresimentu no dezenvolvimentu ekónomia Timor-Leste nian no labarik sira tenki simu edukasaun ida ho kualidade no fó koñesimentu no kualifikasaun ba sira, hodi nune’e sira-nia futuru bele sai di’ak no produtivu, nomos kontribui ativamente ba dezenvolvimentu ita-nia Nasaun,”afirma Longuinhos dos Santos.

Governante ne’e subliña, iha Konstituisaun Repúblika Demokrátika Timor-Leste (RDTL) refere katak, Estadu iha nia obrigasaun hodi kria kondisaun nune’e alunu sira hotu iha asesu ba kondisaun aprendizajem ho kualidade.

“Ho razaun hirak ne’e, prioridade prinsipál husi VIII Governu Konstitusionál iha área Ensinu Superior, mak atu asegura kualidade no prosesu ensinu no aprendizajem iha instituisaun hotu iha Ensinu Superiór Públiku no Privadu ho objetivu atu Timor-Leste bele gradua joven sira ho kualifikasaun ne’ebé adekuadu, maibe kualifikasaun ne’e rasik sei sai hela hanesan dezafiu bo’ot mak ita-nia rai enfrenta hela.

Nia dehan, kompeténsia husi Ministériu Ensinu Superiór, Siénsia no Kultura atu dezenvolve no implementa lejislasaun, estratéjia no politika ne’ebé promove kualidade, rigorozu no ezijénsia husi kursu sira ne’ebé hala’o husi Instituisaun Ensinu Superiór.

Nune’e, Ministériu Ensinu Superior dezenvolve hela Polítika Nasionál ida hodi garante kualidade ida, ne’ebé di’ak husi Ensinu Superior ba formasaun sidadaun iha ita-nia rai liu husi formasaun inisiál, kontinua no iha durante vida moris nian atu hari’i sistema nasionál ida ba siénsia no teknolojia, ne’ebé mak atu tulun hari’i ekonomia kompetetiva no hasa’e  produtividade.

“Ho razaun ida ne’e, Ministériu Ensinu Superior, Siénsia no Kultura iha tinan 2019, implementa ona Konsellu Reitores hanesan fórum ida hodi promove diálogu ho instituisaun Ensinu superior akreditadu sira ho hanoin katak, sira hotu bele kontribui atu define politika no asaun atu implementa iha área ida ne’e. “

Nune’e liu husi servisu hamutuk ho regularidade no transparénsia entre Ministériu Ensinu Superior no Instituisaun Ensinu Superiór sira públika no privada, iha posíbilidade atu hadia kualidade hanorin no kria kondisaun ba jerasaun foun sira bele iha kbi’it no kualifikadu atu garante sustentabilidade no independénsia ba ita-nia rain.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker