GMN TV Saude e Educação MESSK:Governu sei evakua urjente bolseiru Timor-oan 17 ba Shanghai-Beijing

MESSK:Governu sei evakua urjente bolseiru Timor-oan 17 ba Shanghai-Beijing

0 views

Governu liu husi Ministériu Edukasaun, liu-liu Ensinu Superior Siénsia no Kultura (MESSK), iha ona alternativa hodi evakua urjente bolseiru Timor-oan 17 husi provínsia Wuhan ba Shanghai no Beijing, hodi antesipa labele kona vírus Corona. 

Ministru Ensinu Superior Siénsia no Kultura (MESSK), Longuinhos dos Santos, hateten, bolseiru 17 ne’ebé sei iha provinsia Wuhan, Xina, sei evakua urjente ba fatin ne’ebé seida’uk afetadu ba vírus corona.

Tanba iha provinsia Wuhan, Xina, vírus corona hamate ona ema barak, tanba ne’e maka governu iha ona hanoin hodi fó atuasaun urjente ba bolseiru sira ne’e.

Longuinhos dehan, iha ona enkontru entre liña ministeriál atu oinsa buka solusaun ba estudante Timor-oan sira ne’ebé oras ne’e dadaun iha provinsia wuhan hodi evakua sira ba iha fatin seluk hanesan Shanghai no Beijing.

“Primeira ita atu halo maka urjentimente atu evakua sira mai iha fatin ne’ebé seida’uk hetan afetadu ba iha vírus corona maka hanesan Shanghai, Beijing. Maibe buat hirak ne’e hotu halai liu ba  kustu, haree ba kustu despeza, ai-han ba estudante sira ne’ebé ita atu evakua no mós sira-nia hela fatin ida ne’e maka sei sai preokupasaun”,dehan, Longuinhos dos Santos, ba GMN, Tersa (28/01/2020), iha nia kna’ar fatin Colmera-Dili.

Tanba ne’e, Longuinhos sei hato’o problema ne’e iha enkontru Konsellu Ministru hodi hetan aprovasaun, hafoin haruka karta ba Ministériu Finansa hodi hetan fudus atu bele apoiu lalais ba estudante sira.

Ho alternativa sira ne’e, Longuinhos sei aprezenta ba Konsellu Ministru atu bele hetan rezolusaun ida, hodi hetan apoiu osan husi rezolusaun, atu nune’e bele hakerek karta ida ba iha Ministériu Finansa atu bele hetan fundus atu bele tau atendimentu ba alin sira ne’ebé maka ameasadu ba vírus corona ne’e.

“Aban (ohin,red), ita iha enkontru Konsellu Ministru nian, tanba ne’e maka ita sei hato’o kestaun sira ne’e, kestaun sira ne’e hanesan problema global, problema ne’e presiza ita halo atendimentu, ami sei hato’o ba iha Konsellu Ministru pois Konsellu Ministru iha ona desizaun ita kontinua kedas halo asaun ba iha problema ida ne’e”, hateten, Longuinhos.

Vírus corona, ne’e rasik mosu iha sidade huben Wuhan Xina, iha loron  31 fulan Dezembru tinan 2019. Sintoma ba moras corona ne’e, halo isin manas maka’as, ulun moras, me’ar, fani no dada iss ladi’ak.

Tuir análiza balun fó sai katak, vírus refere mosu, no halo ema barak mate, kauza hosi konsumu naan husi animal, hanesan, Niki, Laho, inklui naan husi samea no seluktan.

Tuir estudante sira iha sidade Wuhan, hatete ba GMN katak, ejize nafatin ba Governu Timor-Leste atu fó atensaun urjente ba sira hodi nune’e sira labele hetan moras ho naran vírus corona ne’e.Jen

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker