GMN TV Saude e Educação PN lamenta planu MEJD sosa komputadór ba ensinu báziku

PN lamenta planu MEJD sosa komputadór ba ensinu báziku

0 views

Membru komisaun G iha Parlamentu Nasional (PN), Gabriela Alves, lamenta ho programa Ministériu Edukasaun Juventude no Desportu (MEJD), tanba iha tinan 2020 ministériu refere sei sosa komputadór ba eskola ensinu báziku sira.

“Antes ne’e MEJD fahe ona komputadór ba ensinu báziku sira, maibé komputadór hirak ne’e balun la uza, tanba ne’e bainhira programa tinan 2020 atu sosa tan komputadór ba ensinu báziku sira presiza halo avaliasaun ba kondisaun eskola sira maka foin sosa komputador. Ami hakarak informa dalan sira ne’e ami liu eskola hotu iha Timor hetan ona komputadór ba Diretor, gabinete apoiu tékniku no adjuntu sira, tanba la asesu ba eletrisidade”, deputada husi bankada FRETILIN ne’e liu husi audénsia publiku ho MEJD iha PN, Tersa (07-01-2020).

Gabriela hateten, realidade hatudu eskola balun iha komputadór, maibé to’o sai át deit, tanba la asesu ba eletrisidade.

“Ita la halo estudu ba eskola ne’ebé maka merese atu hetan komputadór, maibé fahe ho taka matan deit, tanba ne’e, presiza atu haree fali komputadór ne’ebé mak antes ne’e fahe tiha ona nune’e labele sosa, tanba tuir ami nia hatene bainhira hahú moris ensinu báziku iha Timor laran ne’e, Ministériu Edukasaun fahe ona komputadór. Nune’e antes atu sosa tan komputadór tenke haree fali kondisaun eskola no kondisaun komputador ne’ebé antes ne’e fahe tiha ona ba eskola sira”, afirma membru komisaun G ne’e.

Hatán ba preokupasaun ne’e, Ministra Edukasaun Juventude no Desportu (MEJD), Dulce de Jesus Soares, konsidera krítika kona-bá programa fahe komputadór ba ensinu báziku sira ne’e, hanesan sujestaun di’ak ba MEJD.

“Ha’u agradese tebes avaliasaun husi husi deputadu sira bainhira atu fahe komputadór ba eskola ami sei halo avaliasaun, husi avaliasaun ne’e deskobre komputador balun estraga ona, ho razaun balun kona vírus, eletrisidade lakan mate no selu-seluk tan, tuir loloos komputadór tenke tau iha fatin ne’ebé seguru ou temperatura tenke di’ak maibé realidade komputador tau iha sala bai-bain, nune’e afeta ba kondisaun. Nune’e komputadór sira ne’e ami fó prioridade ba eskola sira ne’ebé mak husi rezultadu avaliasuan, ami sei troka ida ne’ebé át”, tenik governante ne’e.ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker