Reitór Universidade Nasional Timor Lorosa’e (UNTL), Franscisco Miguel Martins hateten, tinan ne’e, UNTL la simu dereitamente estudante foun, tanba Ministru Ensinu Superior mak organiza, hodi halo seleksaun ba estudante foun sira molok tama ba UNTL.
“Tinan ida ne’e UNTL, la organiza simu estudante foun tanba ho diploma ministerial, ministru ensinu superior, ne’ebé kanal tolu ne’e, organiza husi ministru ensinu superior siensias no kultura, ne’ebé ho diploma ministerial prodúz ona, ita tenki respeita lei,” hateten, Reitór UNTL Franscisco Miguel Martins, ba GMN, Tersa (14/01/2020) iha kampus Hera.
Tanba ne’e, Francisco hatutan katak, UNTL agora hakmatek hodi hein deit tais husi ministru ensinu superior nian, no UNTL pronto simu kandidatu estudante sira ne’e.
“Ita UNTL hein simu, tanba UNTL tekniku implementa polítiku simu trasa husi ita nia polítika sira no nomeru trazetu husi universidade por volta de 4 mil ba tinan akademiku ida ne’e,” dehan, Reitór UNTL ne’e.
Enkuantu iha tinan ida ne’e, prosesu registrasaun estudante foun iha UNTL no regime espesial, sei responsabiliza husi Ministru Ensinu Superior no universidade sei simu deit rezultadu husi ministériu.Jena
