GMN TV Saude e Educação KSP aprezenta kondisaun ES Kilik Waigae Seisal ne’ebé falta meja-kadeira ba PR

KSP aprezenta kondisaun ES Kilik Waigae Seisal ne’ebé falta meja-kadeira ba PR

261 views

Konsellu Solidariedade Profesór (KSP), aprezenta ba Xefe Estadu Francisco Guterres Lú olo, kona-ba falta kondisaun Eskola Sekundária (ES) Kilik Waigae Seisal, Munisípiu Baucau, ne’ebé harii husi membru organizasaun KSP-Universidade Nasional Timor-Lorosaé (UNTL) iha tinan  kotuk neébé toó agora sei falta buat barak.

Koordenadór Interinu Eskola Sekundária Kilik Waigae, Angelmo Freitas Migato, kondisaun eskola refere afeta tebes ba prosesu aprendizajen tamba laiha kadeira meza no mós menus sala aula, nune’e mós profesór sira barak mak servisu ho voluntária.

 ‘’Asuntu ne’e mak ami aprezenta ba Prezidente liu-liu kona-ba kondisoens eskola ninian ne’ebé mak afeta tebes ba prosesu aprendizajen iha EBC Sentral Seisal Baucau ninian, segundu falta de mobiliáriu kadeira meza ba profesór no alunus atu bele hola parte iha prosesu aprendizajen ba tinan ida ne’e dadaun, terseiru kuaze profesór sira ne’ebé mak estabelese ka destaka iha eskola sekundária Kilik Waigae ne’ebé foin lalais estabelese maioria profesór mesak voluntária laiha saláriu ka laiha buat ida ne’ebé mak husi orgaun  kompetente atu tau, tuir mai iha mós hanesan liga ba kudrus laiha mós mobiliáriu ba ami atu halo prosesu aprendizajen, dalaruma ami tenke hola triplex  depois mak ami tau, sé lae ami empresta kuadru husi ensinu báziku sira ne’ebé mak besik hela ami ikus mak ami sente katak buat ida ne’e nesesáriu tebes ami hato’o ba orgaun kompotente hanesan Prezidente atu bele fó tulun mai ami liu-liu bele halo melloramentu kondisaun eskola ninian, no mós tau matan ba profesór ne’ebé mak ba dadaun ami estabelese iha Eskola Sekundária Kilik Waigae Baucau’’,hatete Angelmo Freitas Migato, iha Palásiu Prezidensiál, Bairo-Píte, Díli, Kuarta (12/01).

Hatán ba preokupasaun hirak ne’e, nuúdar  Xefe Estadu sei halo koordenasaun ho Ministériu Edukasaun Juventude no Desportu, hodi halo melloramentu no fó apoiu ba kondisaun eskola ne’ebé enfrenta hela problema.

Antes ne’e, Ministru Edukasaun Juventude no Desporu (MEJD),  haree ona kondisaun eskola refere maibe to’o agora seidauk hetan resposta ruma.

Totál estudante iha eskola refere hamutuk ema nain 52 no profesór na’in 18 barak mak servisu ho voluntária.

Durante ne’e, profesór sira hetan kontribuisaun husi estudante nia inan-aman, hodi fasilita ba profesór sira-nia nesesidade loro-loron.Ben


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker