GMN TV Saude e Educação Númeru dengue aas iha Munisípiu 4, MS kria ekipa integradu ba atendimentu urjensia

Númeru dengue aas iha Munisípiu 4, MS kria ekipa integradu ba atendimentu urjensia

0 views

Diretora Prestasaun Saúde, Odete da Silva Viegas, hateten,  Ministériu Saúde (MS) kria ona ekipa integradu ida hodi halo atendimentu urjensia ba moras dengue, li-liu Munisípiu 4 ne’ebé afetadu ona moras dengue ho númeru ás mak hanesan, Munisípiu Díli, Manatuto,  Ermera no Liquiça.

Tuir Odete Viegas, númeru moras dengue iha inísiu tinan ida ne’e bo’ot tebes, tanba ne’e Ministériu Saúde sei kria ekipa integradu ida hodi halo atendímentu urjensia  ba Munisípiu 4 ne’e, hodi bele minimija númeru dengue ne’ebé rejistradu to’o 66 ona.

“Ita bo’ot (jornalista) sira hatene katak, moras dengue ne’e ita so bele hamenus, maibé labele halakon, mais ou menus kada tinan hat mosu fali. Agora dadauk  Munisípiu hat mak rejistu kazu dengue, primeiru mak Munisípiu Ermera ho total pasiente hamutuk nain 36, Díli nain 22, Manatuto nain 2 no Liquiça nain 16. Ida ne’e bo’ot  mak ne’e, Munisípiu sira seluk ita sidauk iha dadus, tanba ne’e ita espera katak, Munisípiu seluk lalika iha tan, no agora dadauk ami kria ona ekipa integradu ida ne’ebé  kompostu husi,  promosaun saúde, moras la  hadaet,CDC laboratoriu no ospitalar, inklui Organijasaun Saúde Mundial (OMS), ne’ebé sei haree  kona ba aimoruk, kona ba reajente no seluk tan, inklui rega susuk para maske ita la halakon, mas pelumenus bele minimiza”, relata Odete da Silva Viegas, ba Jornalista sira iha Fundasaun Oriente Lecidere Díli foin lalais ne’e.

Odete Viegas  haktuir, alende  kria ekipa integradu, MS mós enkoraja komunidade atu kria ambiente ne’ebé mós iha idak-idak nia uma hun, liu husi aktividade limpeza, tanba susuk dengue normalmente moris no tolun iha ambiente ne’ebé mak foer, liu-liu kalen no fatin  be nalihun.

“Importante mak alerta ba iha komunidade atu tenki kuidadu, tanba tempu agora rai udan, fatin sira ne’ebé mak be nalihun sira ne’e, tenki hamos, vazu aifunan, inklui ropa sira ne’ebé mak tara ne’e tenki hiker, tanba liu husi hirak ne’e mak susuk dengue mosu”, katak Odete.

Nia esklarese, sasan ne’ebe mak   hamosu moras ne’e, tenki prevene maibé parte ambiental mós tau matan hela ba situasaun ida ne’e, atu susuk labele iha.

Antes ne’e, Diretora Saúde Munisípiu Díli, Agustina da Costa Saldanha Segurado, mós enkoraja ona ba komunidade atu tenki kuidadu ambiente iha tempu udan, tanba posibilidade moras dengue sei mosu.ola


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker