GMN TV Saude e Educação PN husu pessoal saúde fó atendimentu di’ak ba pasienti

PN husu pessoal saúde fó atendimentu di’ak ba pasienti

0 views

Reprezentante  povu iha Parlamentu Nasional, liu husi Komisaun F ne’ebé trata asuntu  asuntu saúde, seguransa sosial, igualdade  Jéneru, husu ba pesoal saúde sira atu halo atendimentu ne’ebé mak di’ak ba pasiente sira, liu-liu inan sira, tanba dala baraak inan balun hakarak simu esplikasaun klaru husi pesoal saúde sira iha fasilidade saúde, maibé pesoal saúde balun  la fó atendimentu di’ak.

Tuir deputada Lucia Taeki, númeru mortalidade inan ho oan iha Timor-Leste sai preokupasaun bo’ot, tanba ne’e pesoal saúde sira tenki fó atendimentu di’ak ba povu hodi bele hamenus númeru ida ne’e.

 “Ita tenki hatene’e, tanba saida mak  númeru mortalidade inan iha TL ne’e kontinua iha. Ne’e tanba dala ruma  seidauk hetan informasaun ne’ebé di’ak no klaru, tanba  ita nia pesoal saúde sira la esplika ba sira,, entaun sira lakohi besik, tanba ita hatene katak, ita-nia inan sira iha área rural ne’eba  barak tebes mak seidauk hetan informasaun kona ba, oinsa planeimentu  familiar, entaun pesoal saúde sira mak tenki esplika, la’os ho oin buis, maibé tenki ho oin midar atu nune’e sira labele senti tauk, hodi nafatin husu saida mak sira seidauk hatene, atu maske neneik sira bele tuir, nune’e maske la’os atu para kous oan, maibé pelemenus sira bele fó espasu ba sira nia oan”, hateten  Lucia Taeki iha nia intervensaun ba seremónia lansamentu livrinho planeiamentu familiar no filmajen saúde re produtivu iha Fundasaun Oriente Lecidere Díli horseik.

Iha fatin hanesan, Diretora Jeral  Prestasaun Saúde,Odete  da Silva Viegas, hateten, xavi atu programa  planeimentu familiar refere  bele susesu ne’e, la’os iha ema seluk nia liman, maibé   iha pesoal saúde sira-nia liman,

Tanba ne’e, Odete dehan,  pesoal saúde sira tenki  hasoru pasiente sira ho atitude ne’ebé di’ak, nune’e pasiente sira bele toman hodi hakbesik aan ba  fasilidade saúde sira  hodi hetan  informasaun.

“Parteira no médiku sira sai hanesan odamatan bo’ot, entaun hanesan ohin ha’u hateten,  maske rejultadu barak ita atinji, maibé sei sai nafatin responsabilidade nafatin ba ita, oinsa bele konvense ita-nia kliente no pasiente sira, no ita-nia inan feton sira atu bele hakbesik aan ba fasilidade saúde sira, atu nune’e sira bele hetan atendimentu ne’ebé mak apropriadu”, hateten Odete da Silva Viegas.

Nune’e mós Ezekutivu Parseiru Dezenvolvimentu Ministériu Saúde, Diana B. Putman, esklarese, polítika estabelesimentu  livru planeimentu familiar no filmajen saúde reprodutivu ne’e, atu kapasita  entidades hotu, liu-liu feto no mane ne’ebé mak iha ona idade  tinan 18  hanesan idade ne’ebé mak iha ona konsentimentu .

“Polítika ne’e,  oferese metudu planeiamentu familiar ne’ebé oi-oin ne’e mak kapasita fen laen hodi foti desizaun, bazeia ba informasaun ne’ebé mak iha, importante liu polítika ne’e la deskrimina hasoru fen laen, ou feto bazeia ba sira nia estatutu hanesan kaben nain no klosan, bainhira sira nia tinan liu ona tinan 18, hanesan idade ne’ebe bele iha ona konsentimentu”, relata Putman.

Tuir dadus husi Demografic Healt Survey tinan rihun rua sanolu resin nen, no  husi sistema informasaun Ministériu Saúde, hahú husi tinan rihun rua tolu to’o tinan rihun rua sanolu, no tinan rihun rua sanolu resin nen, númeru inan mate husi porsentu hitu ba porsentu lima,  no husi porsentu lima tun ba porsentu hat.ola


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker