GMN TV Saude e Educação Polémika rekrutamentu UNTL 2019, PN sei bolu MESSC no Reitor UNTL

Polémika rekrutamentu UNTL 2019, PN sei bolu MESSC no Reitor UNTL

Prezidenti komisaun G Parlamentu Nasional (PN), Albina Marçal, hateten, iha tempu badak nia laran PN sei bolu  Ministro Ensino Superior, Ciência e Cultura (MESSC), Longuinhos dos Santos ho Reitor Universidade Nasional Timor-Leste (UNTL) atu halo esplikasaun kona-bá prosesu rekrutamentu estudante UNTL ba tinan 2019.

“Ami tenki rona husi parte rua (2) hotu no ami labele nono’ok kona-bá atu solusiona problema ne’e, maibé fila-fali ba parte rua tenki klarifika di-diak no foti desizaun kolektiva bele hatán ba preokupasaun husi públiku”, Prezidenti komisaun G ne’ebé trata asuntu edukasaun, joventude, kultura no sidadania iha PN, Kuarta (20-02-2019).

Nia esplika, komisaun G nia planu bolu MESSC no Reitor UNTL ne’e ho intensaun atu rona husi parte rua ninian, atu nune’e bele iha koñesementu, atu nune’e bele analiza di-diak kestaun ne’e, maibé atu solusiona problema ne’e iha parte rua nia liman.

“Tuir ami rona ba tinan akadémiku 2019 ne’e iha total kandidatu estudante ba 2019 kanal A ho C subtotal ne’e iha 2.897, agora total rezistu kandidatu estudante 2019 kanal A ho C 2.379, la rezistu maka 508 no kandidatu estudante 2019 kanal B iha 6.798, iha total A, B no C hamutuk 9.183, agora liga ba iha rezimi espesial ka kanal B iha 2019 ninian ne’e iha 6.798, durante ne’e públiku hateten, veteranus nia ona maka iha 7.302 na realidade kontradiz fali ho total ne’ebé maka ohin ha’u temi ona”, haktuir Albina Marçal.

Nia akresenta, komisaun G PN rona ona informasaun husi MESSC no Reitor UNTL katak, total estudante ne’ebé UNTL rekruta tinan 2019 ne’e la’os veteranus nia oan de’it, maibé kompostu husi komponente sira hanesan PNTL, F-FDTL, balun husi diplomata ninian, defisiente sira, inklui mós veteranus nia oan sira.

Entretantu desizaun ba rekrutamentu estudante UNTL tinan 2019, ne’e bazeia ba akordu ne’ebé maka UNTL no MESSC no Institutu Politékniku Betano (IPB) iha konsensu ne’e rasik simu deit 4.400 no husi numéru ne’e melhores classificações ne’e mai husi munisípiu 12, inklui RAEOA.ety


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker