GMN TV Saude e Educação Hospital Referal Maliana krize ai-moruk

Hospital Referal Maliana krize ai-moruk

0 views

Diretór Hospital Referal Maliana (HRM), Bourdeloue Fernandes, hateten, dau-daun ne’e HRM enfrenta krize ai-moruk item 30, maibé ne’e la sai bareira ida ba pesoál saúde sira-nia servisu fó asiténsia saúde ba pasiente sira.

“Buat ida ai-moruk standar normal  ne’e porsentu 10, ai-moruk ne’ebé mak laiha sei normal, hanesan ami iha ai-moruk item 380, maibé husi númeru ne’e  item 30 mak laiha ne’e, ami sente normal, tanba iha ai-moruk balun, maske falta duni ai-moruk no balun labele troka, normalmente sei bele hala’o funsaun, maibé halo ona aproximasaun ba Ministériu Saúde (MS) ho Servico Autonomo de Medicamentos e Equipamentos de Saude (SAMES) bele hetan solusaun“, Diretór HRM ne’e ba GMN iha ninia kna’ar fatin Maliana, Kinta semana ne’e.

Bourdeloue subliña, ai-moruk item 380 ne’e, iha balun mak la presiza urjente, maibé balun presiza urjente, hanesan ai-moruk ba anestesia ba operasaun ni’an no iha ai-moruk balun labele sosa iha Díli, tenke iha lisensa espesiál husi MS.

“Ita bele uza item seluk hodi taka, maske troka ho ai-moruk seluk ne’e depende, ita bele uza operasaun ne’ebé skinál no jenerál no mós haree hotu iha ai-moruk ida, balun iha komplikasaun, maibé balun la’e, depende iha ai-moruk anastesia”, tenik Diretór HRM ne’e.

Fó hanoin fila-fali katak, total ai-moruk iha HRM hamutuk item 300 resin, husi númeru ne’e item 30 mak stock out.

Pasiente TBC toba iha sala ne’ebé kondisaun la di’ak

Diretór Hospital Referal Maliana (HRM), Bourdeloue Fernandes, hatutan mós katak, ho situasaun laiha espasu, dau-daun ne’e pasiente moras tuberculose iha HRM toba iha sala izolamentu ne’ebé ho kondisaun la favorese ona, tanba laiha orsamentu ba rúblika kapitál meñor, hodi konstroe fatin foun.

“Problema ne’e akontese dezde HRM ne’e hala’o, ami seidauk iha osan kapitál meñor para atu halo bansall full  hanesan imi haree dau-daun, moras tuberculose ami tau hamutuk ho pasiente sira seluk, pasensia tenke  tau duni iha kotuk, tanba fatin laiha, ida ne’e mak ami-nia kondisaun. Ho kondisaun ne’e, sei koordena ho International Organization for Migration (IOM) hodi halo sala izolamentu ba pasiente sira ne’ebé ho moras tuberculose, hodi halo tratamentu saúde”, haktuir Bourdeloue ba GMN iha ninia kna’ar fatin Maliana-Bobonaro, Kuarta semana ne’e.

Sala izolamentu ne’e, konstroe iha tinan 1981 no to’o ohin loron Governu seidauk halo rehabilitasaun. ety


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker