Doutór Klínika Bairo-Pité, Daniel Murphy, hateten iha fulan Janeiru 2020, pasienté barak mak ba halo tratamentu, no iha nain 28 pozetivu hetan moras Tuberkuloze (TBC).
“Ha’u bele dehan fulan kotuk, klínika bairo-pité primeira vez rejista moras, pozetivu iha mear tasak hamutuk 28, bai-bain nunka rejista moras nune’e, ne’e hatudu katak TBC aumenta no ema ne’ebé pozetivu hetan moras TBC, ne’e perigoju bele da’et ba ema seluk, bainhira mear no tafui mikro bio, sai hodi buka atu estraga ema seluk, primeira vez ami rejista kazu nune’e, ne’e pulmunal maibé extra pulmunal ne’e sei aumenta tan númeru TBC”, dehan, Doutór klínika Bairo-Pité, Daniel Murphy ba GMN iha Sala Cruz Vermelha Bairo Formoza, Sesta (07/02/2020).
Murphy esplika, atu redus moras ne’e presija programa ne’ebé, fó kbi’it ba feto sira atu bele organiza programa balun iha nível suku, hodi bele haree ema ne’ebé mear, bainhira ema ne’ebé mear fó masa hodi tafui kaben tasak, bainhira ba teste mak pozitivu ba TBC, entaun presija fó lalais aimoruk, ho ida ne’e bele redus TBC.
Daniel aprofunda liutan katak, presija tau rede ba iha suku sira, maibé presiza de’it mak feto hodi fó asisténsia ba ema seluk, tamba, mane la seriu atu haree moras ne’e, aimoruk ne’e mai husi fundu global, aimoruk iha maibé bainhira multi rezitensia ne’e defisil, ba moras TBC aimoruk sufisienti maibé aimoruk ba iha moras seluk laiha.
“Ami lor-loron atende bebeik moras TBC ha’u baruk haree TBC, ha’u bele dehan ha’u hakribi TBC no odiu TBC, ha’u hakarak hatun TBC maibé, TBC matenek liu agora sa’e makas, aimoruk ha’u fó laiha rezultadu, HIV mós aumenta, ne’e fasilita TBC no moras rua ne’e servisu di’ak hodi estraga ema hotu” akresenta, Daniel Murphy.Cin
