GMN TV Saude e Educação Kandidatu estudante la pasa ba UNTL tinan 2020, Longuinhos: Sei iha oportunidade ba tinan oin

Kandidatu estudante la pasa ba UNTL tinan 2020, Longuinhos: Sei iha oportunidade ba tinan oin

0 views

Relasiona ho estudante kandidatu ne’ebé la pasa iha, Universidade Nasional Timor Lorosa’e (UNTL), iha tinan ne’e, maibé sei iha opurtunidade ba tinan oin atu asesu ba UNTL iha rejime oportunidade sira ne’e.

Lia hirak ne’e hato’o husi, Ministro do Ensino Superior, Siénsia no kultura, Longuinhos dos Santos, ba Jornalista sira, Sabadu semana kotuk.

“Ba estudante kandidatura na’in hira ne’ebé mak la pasa iha tinan ida ne’e, sei iha oportunidade ba tinan oin, bainhira asesu ida ne’e sei fó prioridade, liu-liu iha area rejime espesial, oportunidade no rejime jeral, iha tinan oin mak sei realiza ne’e sei fo oportunidade ba estudante hirak ne’e, maibé ita sei halo alterasaun ba lei ida ne’e”, hateten, Ministro Ensino Superior, Siénsia no Kultura, Longuinhos dos Santos, Sabadu (08/02/2020).

Maibé, Longuinhos dos Santos esplika, lei fó dalan no prazu loron 10 ba estudante ne’ebé la pasa bele halo reklamasaun, no iha tekniku ministeriu nian, bele halo justifikasaun ba estudante sira tuir, prosedementu ne’ebé mak iha liu-liu, ba asesu ensinu superior nian.

“Iha komisaun ida ho naran komisaun asesu ingresu (KS) ne’ebé mak estabelese tuir lei, númeru 36/2009 hodi fó dalan ba KS lao tuir preosesu asesu ingresu nian, tamba ne’e etudante hirak ne’e iha direitu hodi halo reklamasaun, antes publika iha jornal Repúblika,” dehan, Longhuinos.

Maske nune’e, Longuinhos dekalara, to’o oras ne’e parte gabineti ministru seida’uk hetan relatoriu husi komisaun asesu ingresu nian, kona-ba kandidatu na’in hira mak halo reklamasaun,

Maibé, Longuinhos aprofunda tan katak, bainhira balun hato’o duni reklamasaun, nia parte sei hato’o hodi fó sai ba media.

“Ita iha sistema no regulamentu, balun valor bo’ot la passa tamba saida, valor ki’ik pasa tamba saida, ne’e ita iha prosedura no sistema, tamba makina mak halo koresaun, maibe, ita iha regras tamba ne’e ami prontu atu esplika ba entidade hotu ne’ebé lamenta bele mai iha enisnu superior liu husi komisaun, hodi bele hetan esplikasaun ba sira hodi bele komprende prosesu hirak ne’e, tamba durante ne’e lao hela ba alin sira ne’ebé mak mai halo reklamasaun, tamba ne’e to’o agora seidauk iha problema ruma kona-ba ida ne’e”, subliña, Longuinhos.

Entretantu, total estudante ne’ebé pasa ba iha Universidade Nasional Timor Lorosa’e (UNTL), no mós Instutu Politekniku Betanu (IPB) hamutuk, 4.211.Cin

 


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker