GMN TV Saude e Educação Obriga estudante hemu tua, Diretór Eskola husu deskulpa ba Inan-Aman

Obriga estudante hemu tua, Diretór Eskola husu deskulpa ba Inan-Aman

0 views

Profesor Eskola Hotelaria no Turismu Becora ho inisial RH obriga estudante feto sira hemu tua to’o lanu. Kazu ne’e akontese iha Sábadu loron 8 fulan ne’e bainhira estudante sira hala’o hela prátika ba matéria eskola nian.

Ho hahalok profesor ho inisial RH ne’e, halo inan aman sira deskontenti hodi halo protesta hasoru eskola refere, tanba konsidera profesor ne’e la merese atu sai manorin iha eskola refere.

“Husu deskulpa husi parte eskola tanbá naton ne’e bele dehan katak iha akontesimentu iha eskola ne’e, iha konkordansia ida entre mestre ne’ebé hanorin materia bar tender no estudante halo pratika, estabelese regra ida atu halo tua sabu no hemu, iha parte ida sira estuda marketing no iha parte ida sira bele koko ne’e tuir teknikamente husi parte bar tender, neste momentu labarik tauk lakohi koalia sai no fim tua sabu ne’ebé sira estudanté ho mestre halo pratika to’o ikus mai labarik hemu fila ba uma, no afeita negativa ba labarik nia saude, hau rasik kolia ona ho prefósores referen para labele akontese tan pertama dan terakhir kali, maibé, sé akontese tan entaun nia prosesu ne’e sei oin seluk tanbá dehan tama agora ne’e ita tama iha mundu global no kolia kona-ba problema ne’e infórmasaun espalla lalais ba públiku, loron seluk sei la halo tan apalagi ne’e liga ho alkohol,” dehan, Charles ba GMN iha Eskola Hotelaria no Turismu Becora, Segunda (10/02/2020).

Charles rekoeñese aktus pratika lamentavel ne’ebé halo husi profesor ho inisial RH ne’e akontese duni no hodi eskola ne’e nia naran husu deskulpa ba inan-aman no garante ba inan aman estudante sira ne’e katak kazu hanesan ne’e sei  la repete tan iha futuru.

Iha parte seluk, Inan husi estudante ne’ebé sai vitima ba aktu profesor ho inisial RH ne’e, Isabel Ximenes hateten, nu’udar inan-aman la tolera aktu profesor ne’e nian no husu ba Diretur eskola atu fó atensaun ba profesor ne’e refete tan hahalok ne’e.

“Hau mós fó peringatan ona loron seluk labarik feto labele lanu tan, hafóin nia hemu tua nia to’o ba uma nia grave tebes lanu todan tebes, hau telefóni doutor depois fó reseita aimoruk ba nia hemu ne’ebé nia toba husi tuku 4 ho balun to’o jam 12 mak fóin sadar diri,” dehan, Inan husi Estudante.

Antes ne’e, Ministra Edukasaun Juventude no Desportu(MEJD),  Dulce de Jesus Soares, promete sei haruka ekipa inspesaun hodi ba haree direita problema refere, tanbá ministeriu la hatan no la premite atu halo violensia iha eskola ho tipu saida deit.

“Ministeriu edukasaun hasai tiha ona despaso ministerial kona-ba disiplina ba profesores sira ami sei hatun kedas inspesaun sira atu ba hare’e no fóti asuntu ida ne’e ho seriu ba profesores ne’ebé halo asaun ida ne’e, hanesan funsionariu públiku, nia labele halo ida hanesan ne’e, ministeriu la hatan no la permite atu halo violensia eskola ho tipu de violensia saida deit, ita lakohi atu akontese eskola saida deit iha Timor-Leste” dehan, MEJD Dulce de Jesus Soares.

Tuir infórmasaun husi eskola refere aktu ne’e, profesor ho insial RH komete bebeik ona iha eskola maibé, seidauk iha estudante ida hato’o keixa ba parte kompetente.Ida

 


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker