Diretora Jeral Prestasaun Servisu Menistériu Saúde, Odete Viegas, apela ba komunidade sira, atu labele pániku no labele halo diskriminasaun ba Estudante na’in 17, iha nia rai rasik.
“Ita labele paniku ho situasaun ida ne’e, tanba estudante hirak ne’e fila mai ho saúde ne’ebé diak, no ita konfia ba Nova Zelándia atraves Governu Timor-Leste, no estudante hirak ne’e sei entrega ba família, karik akontese buat ruma Menistériu Saúde sei nafatin halo kontrolu, no akompañamentu ba estudante sira nia Saúde, Ministériu Saúde prontu iha kualker momentu, no vijilansia epidemolojia, sei nafatin halo kontaktu ho estudante, no husu ba komunidade sira, ita nia alin no oan sira ne’e fila mai ho kondisaun ne’ebé livre husi moras, no labele tauk no labele halo diskriminasaun iha ita nia rain rasik”, afirma, Diretora Jeral Prestasaun Servisu Menistériu Saúde, Odete Viegas, iha Aeroportu Internasionál Prezidente Nicolau Lobato-Comoro, Sesta (21/02/2020).
Odete Viegas esplika, parte Menistériu Saúde hakarak agradese ba embaixadór Nova Zelándia iha Timor-Leste, ne’ebé ajuda estudante na’in 17 ne’ebé halo dezlokasaun husi, Xina ba Nova Zelándia .
“Husi parte saúde atu apelu ba públiku, kontinuasaun estudante hirak ne’e nia Saúde diak, no molok atu desloka mai Timor sira mós hetan sertifikadu mediku hatudu katak, sira livre husi moras ne’e, durante karantina iha kampaun Nova Zelándia, profísional Saúde sira hala’o regular asintensia médiku ba sira, loron ida dala rua, ate loron 14,” reafirma Odete.Cin
