GMN TV Saude e Educação PN suspende fiskalizasaun ba karantina HNGV ho Aeroportu

PN suspende fiskalizasaun ba karantina HNGV ho Aeroportu

0 views

Parlamentu Nasionál (PN) liu husi komisaun F, ne’ebé trata asuntu sosial, jéneru no saúde, tuir planu atu halo fiskalizasaun ba karantina iha Hospital Nacional Guido Valadares (HNGV) no Aeroportu iha semana ne’e, maibé ajenda ne’e suspende, tanba laiha ekipamentu atu asegura-an husi vírus corona ne’ebé dadaun ne’e espalla ona iha nasaun barak.

“Sim foin dadaun iha Kuarta-feira ne’e, komisaun F iha planu atu ba vizita fatin ne’e (Karantina),Maibé ami mós haree fila fali katak, ekipamentu atu asegura ami rasik laiha, se ami ba iha ne’ebá (karantina) ho kondisaun ida ne’ebé mak ba loos de’it, entaun bele afeita mós ba ami nia kondisaun, entaun ita presiza dunia iha ekipamentus, tanba bazeia ba iha esplikasaun husi ministériu saúde, bainhira halo diskusaun iha plenária Parlamentu Nasionál, presiza tenke iha ekipamentus ne’ebé kompletu, tanba ne’e mak governu foin halo prosesu ba akizisaun hodi hola ekipamentu ba viruscorona nian”, argumenta deputada Maria Barreto Gorrumali ba jornalista sira, hafoin partisipa iha diskusaun meza redonda ne’ebé organiza husi IRI, iha salaun CVTL, Sesta (08/02/2020).

Prezidente komisaun ba saúde no seguransa sosial ne’e subliña, iha tempu badak ekipamentus refere sei to’o iha Timor-Leste, tanba governu halo ona akizisaun ba ekipamentu prevensaun corona vírus ne’e.

“Tuir promete ne’ebé mak iha katak, Kinta ou Sesta-feira ne’e ekipamentus refere to’o ona iha Timor, tanba ne’e mak ami planu tiha, maibé lakonsege ba, tanba ekipamentus ne’ebé mak ami atu uza laiha”, tenik Gorumali.

Antes ne’e, Parlamentu Nasionál mós bolu ona ministériu relevante sira, hanesan Ministériu Negósiu Estranjeiru No Kooperasaun, inklui Ministériu Saúde, hodi diskute oinsa, atu halo prevensaun, nune’e, moras koronavírus refere labele daet mai Timor-Leste.

Iha diskusaun urjensia ho governu ne’e, membru parlamentu sira mós, barak kestiona, kona-bá kondisaun ekipa kontrolu no prevensaun coronavírus ne’e iha fronteira no iha fatin izolamentu, inklui limitasaun ekipamentus, hodi halo prevensaun, bainhira virus refere tama iha Timor-Leste.

Entertantu, dadaun ne’e, vírus korona ne’e, hamate ona ema kuaze 630 resin, no afeitadu kuaze ema rihun 30.000 liu ona.

Alened ne’e, virus ne’e mós konsege da’et to’o ona nasaun barak iha Europa no Ázian.say

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker