GMN TV Saude e Educação Sofre moras dengue, Labarik na’in 6 baixa iha HNGV

Sofre moras dengue, Labarik na’in 6 baixa iha HNGV

0 views

Xefe Departementu Kontrolu Kualidade, Hospital Nacional Guido Valadares (HNGV), Sara Maria Xavier hateten, dau-daun ne’e labarik na’in 6 mak baixa iha sala Penatologia HNGV, tanba sofre moras dengue.

“Neste momentu ita iha kazu dengue ne’ebé mak admitida iha sala Penatologia hamutuk na’in 6, maioria mai husi munisípiu Ermera, liu-liu Gleno, labarik sira ne’ebé moras dengue ne’e hahú husi tinan 2 to’o tinan 3”, Xefe Departementu Kontrolu Kualidade HNGV ne’e ba jornalista sira iha ninia kna’ar fatin HNGV, Díli, Tersa (04-02-2020).

Relasiona ho moras dengue ne’ebé afeta ba labarik sira, Sara husu ba komunidade sira halo nafatin limpeja resintu uma, evita bee labele nalihun, presiza fakar sai bee iha vazu ai-funan no kee rai hakoi lata ho akua mamuk sira.

“Husu ba komunidade sira atu halo nafatin limpeja iha uma tatis, asegura ba ambiente moos nafatin, bee ne’ebé nalihun iha kalen no iha roda presiza fakar sai, bee iha vazu ai-funan nini’an presiza fakar sai, hakoi tiha hotu kalen no akua mamuk sira, atu nune’e susuk labele tolun no moris iha ne’ebá, ikus mai fó fali impaktu ba ita-nia saúde li-liu ba labarik sira”, katak Xefe Departementu Kontrolu Kualidade iha HNGV ne’e.

Husu mós ba inan-aman sira atu tau matan no hatai’s oan sira ho kalsa naruk no faru liman naruk, bainhira atu toba tenke toba iha moskuiteriu laran no tenke uza Autan, atu nune’e labele fó moras ba labarik sira. eni


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker