Universidade da Páz (UNPAZ), asina ona nota entendimentu kontinua hametin kooperasaun ho Japan International Cooperation Agency (JICA) no Bridges in Public Health (BIPH), iha Area Saúde nian, hodi dezenvolve liu tan rekursu humanu ne’ebé adekuadu ba futuru Timor-Leste.
Sekretariu Jeral BIPH, Kaoru Ishimoto hateten, objetivu husi projetu ne’e atu bele fo apoiu formasaun no pratika ne’ebé liga ho Saúde Públika nian ba estudante sira iha UNPÁZ liu-liu ba Fakuldade Saúde Publika.
“Objetivu husi Projetu ne’e hodi suporta fakuldade Saúde Publika UNPÁZ atu fo treinu ba estudante sira hodi bele sai profesional saúde ne’ebé diak iha futuru programa ida ne’e mós atu halo estudante sira bele iha koñesimentu ba saúde komunidade nian bazeia ba realidade ami hatene katak ida ne’e sei presiza tempu maibé, ami fiar agora tempu ona hodi funda rekursu humanu ba area saúde ne’e, ita sei labele iha rezultadu diak wainhria laiha fundasaun ne’ebé diak,” dehan, Kaoru Ishimoto iha Universidade da Páz, Segunda (24/02/2020).
Kaoru Ishimoto esplika, fakuldade saúde UNPAZ iha vontade no motivasaun hodi halao projetu ne’e ami fiar katak projetu ida ne’e sei la’o ho susesu no hein estudante sira ne’ebé bele atinje duni projetu ida ne’e ho rezultadu diak.
Iha fatin hanesan, Reitor UNPAZ, Adolmando Soares, esplika kooperasaun ne’ebé halo ho ajensia sira ne’e hanesan esfrosu husi universidade atu bele fasilita estudante sira iha prosesu aprendijazen nian no rezolve problema saúde publika iha Timor-Leste.
“Ohin ita formaliza liu tan kooperasan ida ne’e ho asina tan entendimentu ho prezensa Vise Ministru nian sai sasin ba projetu ida ne’e, hanesan ohin preokupasaun sira nian katak ita iha problema saúde iha Timor,” haktuir Reitor UNPAZ.
Adolmando Soares hatutan, apoiu rekursu ba estudante no desente sira atu bele deskobre diak liu tan moras sira no halo investigasaun bele analiza hodi introdus ba parte Governu ho nune’e iha tinan hirak tuir mai, bele rezolve problema Saúde iha Timor.
Adolmando akresenta katak, prezensa UNPAZ iha saúde públika nian atu bele halo prevensaun ba moras hadaet sira ho nune’e presiza rekursu humanu ne’ebé preparadu,
Tuir planu programa ba formasaun no pratika ne’e sei implementa iha fulan Junnu tinan ne’e, no sei halao durante tinan 3. Ida
