GMN TV Saude e Educação Partisipa Jenesys parte I, Governu Japaun prontu oferese bolsu estudu ba Timor-oan

Partisipa Jenesys parte I, Governu Japaun prontu oferese bolsu estudu ba Timor-oan

0 views

Foto:GMNTV

Konselheiru  Embaixada Timor Leste, ba  Japaun, Nuno Alves Moniz Marques Alves, informa, posibilidade boot governu Japaun sei oferese bolsu estudu ba Timor-oan atu bele kontinua estudu iha Japaun.

Nuno Alves haktuir, alende  bolsu estudu, governu Japaun mos sei loke oportunidade ba Timor-oan sira liu husi   nia ajensia sira iha Timor-Leste hanesan, Jica, no Jenesys atu  fasilita Timor-oan sira para bele halo estudu komparativa iha Japaun.

“Agora dadauk esforsu ne’ebe mak embaixador Timor-Leste mai Japaun hala’o mak, halao enkontro inklui halao  konselho para haree liu-liu Ministério Negósios Estrangeiros e Cooperação, hare’e para oinsa sira bele loke sira nia odamatan para Timor-oan sira bele mai estuda iha Japaun, i agora dadauk kuaze universidade sira loke dalan ba Timor-oan sira atu bele mai estuda iha Japaun,” hateten Konselheiro  Embaxada Timor-Leste ba Japaun, Nuno Alves Moniz Marques Alves, ba GMN iha Tokyo-Japaun foin lalais ne’e, wainhira asiste programa Japan East Asia Network of Exchange for Students and Youths (JENESYS).

Nuno Alves haktuir, Governu Japaun, iha hakarak boot atu oferese bolsu estudu ba Timor-oan, maibe sei liu husi prosesu teste ne’ebe sei halao iha tinan ne’e ou tinan oin, depende ba situasaun polítika rai laran.

“Buat ne’ebe ma embaixada hala’o, tuir instrusaun ne’ebe mak Ministro Negósios Estrangeiros, fo para depois ita atu haree oinsa  bilateral entre Japaun ho Timor-Leste, ne’ebe durantene’e ita hala’o mak iha area siguransa, edukasaun no seluk tan inklui saude, nomos iha area inter kambiun  hanesan agora dadauk, people to People, hanesan dadauk  programa Jenesys, ne’e tama iha programa people to people relation, para bele haree koiñese ema nia kultura, ema nia dezenvolvimentu, ema nia esperensia, i talves iha futuru estudante Japaun sira nian mos bele ba fali Timor-Leste, la  barak hanesan ne’e mais pelumenus balun bele ba aprende,” esplika Konselheiro ne’e.

Total estudante ne’ebe oras ne’e dadauk halo ona estudu iha Japaun hamutuk nain 23, iha area ne’ebe diferente hanesan, area defeza, edukasaun no seluk tan. Ola


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker