GMN TV Saude e Educação Graduandu UNITAL 915 deskorda Roberto Seixas asina diploma  Prefere reitor foun Florindo Pereira

Graduandu UNITAL 915 deskorda Roberto Seixas asina diploma  Prefere reitor foun Florindo Pereira

0 views

Graduandu Universidade  Orientál Timor-Lorosa’e (UNITAL) hamutuk 915, deskorda eis Reitor UNITAL, Roberto Seixas Miranda, asina diploma graduandu sira nian iha tinan ne’e.

Razaun graduandu sira la aseita atu eis reitor UNITAL ne’e asina sira nia diploma ho razaun iha ona reitor foun Florindo Pereira ne’ebé dadaun asume hela knar nudar reitor UNITAL, tamba ne’e graduandu sira eziji ba universidade atu autoriza reiotor Florindo Pereira mak asina diploma graduandu sira ne’ebé mak graduandu ona iha loron 31 fulan Dezembru tinan 2018.

Maski  Fundasaun nomeia ona Florindo Pereira núudar reitor UNITAL, maibé seidauk hetan autorizasaun hodi asina diploma graduandu ne’ebé refere.

Graduandu hirak nee mai husi fakuldade 8 kompostu husi, fakuldade Edukasaun, direitu, ekonomia, Saúde, Tékniku, Agrikultura, Fisipol no Rekursu Naturais.

“Ami la aseita eis reitor UNITAL, Roberto Seixas Miranda, atu asina diploma graduandu sira ho razaun katak, Roberto Seixas Miranda, oras ne’e laos ona Reitor iha UNITAL, tamba Reitor foun Florindo Pereira, ne’ebé toma ona pose no nia mak iha direitu atu asina diploma graduandu sira nian”, portavoz graduandu UNITAL, Aleixo de Sousa, liu husi konferensia imprensa Kinta (28/03/2019) iha kampus UNITAL Bekora Díli.

Aleixo de Sousa, lamenta mos deklarasaun ho reitorika husi alumni Eldino Samululik, ne’ebé fo ninia deklarasaun iha diáologu katak, ami ne’ebé  graduandu ilegal.

Nune’e mos, alumni Benjamin Gonçalves, hatete hanesan alumni iha direitu atu halo kritika bainhira mosu situasaun balun ne’ebé lalos, maibé ema ne’ebé iha kompetensia atu buka solusaun ba problema mak kompetensia fundasaun nian.

“ Ami graduandu atus sia sanulu resin lima (915) hato’o ami nia lamentasaun ne’e  bazea ba faktus katak Roberto Seixas Miranda, laos ona reitor, tamba hetan ona suspensaun no reestrutura husi reitoria hodi troka reitor foun, tamba ne’e ami sei la fo ulun no sei la aseita eis reitor mak asina ami nia diploma,” Sublina alumnia UNITAL ne’e.

Benjamin Gonçalves, haklean katak, enkuantu eis reitor mak asina duni diploma, sei konsidera ilegal, tamba ema ne’ebé mak laos ona reitor iha UNITAL labele asina diploma alumni sira nian.

Relasiona ho asuntu ne’ebé refere GMN seidauk iha konfirmasaun ho parte fundasaun hodi responde preokupasaun ne’e. Fel


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker