GMN TV Saude e Educação Graduandu UNITAL 915 seidauk simu diploma

Graduandu UNITAL 915 seidauk simu diploma

0 views

Graduandu hamutuk nain 915 husi Universidade Oreintal Timor Lorosa’e (UNITAL)  ne’ebé gradua iha loron 31, fulan Dezembru, tinan 2018, to’o agora seidauk simu sertifikadu ka diploma.

“Ami graduadu ne’ebé mak simu ona graduasaun iha 31 dezembru 2018, husu ba korpu fundasaun iha tempu badak nia laran liu-liu loron aban Tersa (19/03/2019) atu fo solusaun ba ami nia problema diploma ne’ebé to’o ohin loron seidauk iha ami nia liman,” Deklara Porta-voz graduandu, Jaimito Mau-Laca, liu husi konferensia imprensan Segunda (18/03/2019) iha Kampus UNITALn Becora.

 Nia esplika, atu responde ba sira nia nesesidade agora no ba futuru, tanba reitor ho ninia estrutura tomak, liu-liu vise reitor ba asuntu akademika ne’ebé mak laiha responsabalidade no laiha kapasidade atu resolve.

Iha sorin seluk graduandu Eldino Samalulik, argumenta katak, maske durante ne’e gruduadus sira tente bei-beik hodi ko’alia asuntu ne’e ba Vise Reitor Asuntu Akademiku, maibe seidauk iha solusaun ruma ba sira nia problema ne’e.

 “Problema diploma, hau hanoin problema  ida ne’e problema boot, efeita ba ami graduante 915 ne’ebé hetan graduasaun iha 31 dezembru 2018, maibe no fim, ami bei-beik vise reitor akademiku atu ko’alia bei-beik asuntu ne’e katak bainhira los ami bele hetan ami nia diploma atu trata ami nia nesesidade loro-loron”, tenik nia.

Nia afirma, nia familia mós sente preokupa tanba ate data sira seidauk iha diploma, nune’e tuir informasaun ne’ebé sira rona katak, to’o Ministeriu Ensinu Superior mos seidauk públika iha jornal da repúblika, entaun maske sira simu graduasaun iha tinan kotuk, maibe  to’o agora  sira rasik seidauk hatene sira nia estatus hanesan ema finalista iha universidade refere.

Tanba mak sira kontinua eziji ba reitor para atu aselera lalais sira nia diploma refere, atu nune’e sir abele kompete ona iha kampu servisu. Maibe ho situasaun ne’ebé graduadus sira hasoru ne’e implika sira atu buka servisu hodi responde ba sira nia nesesidade loro-loron nian, tanba sira simu diploma tarde liu.

Entretantu to’o notísia ne’e públika GMN seidauk hetan konfirmasaun husi parte relevante liu-liu reitor, tanba okupadu ho servisu seluk. Aes


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker