GMN TV Saude e Educação Ilibui: Tratamentu espesiál ba veteranu taka falta de’it

Ilibui: Tratamentu espesiál ba veteranu taka falta de’it

0 views

Veteranu Ilibui, konsidera atividade tratamentu espesiál husi governu ba vetaranu sira ne’e hanesan taka falta deit hodi manan veteranu sira nia laran. Tanba maske dadaun ne’e veteranu barak kondisaun fíziku ladun di’ak ona,  maibé nunka hetan atensaun husi Governu.

Ilibui haktuir, tratamentu ne’ebé mak ohin loron hetan hanesan tratamentu taka falta de’it, tanba Governu fó atensaun ba veteranu sira iha loron bo’ot de’it.

 “Ida ne’e hanesan tratamentu formalistas de’it, tanba saida mak ha’u dehan formalitas?,  tanba  aktividade ida ne’e hala’o bainhira loron bot ruma iha hanesan antes ne’e mós ha’u ba tratamentu iha sentru saúde Vera-Cruz iha loron 28 Novembru, lolos ne’e tratamentu  tenki ketak, la’os tempu de’it. Ita tenki iha médiku espesialista, tenki iha ekipamentus no aimoruk ne’ebé mak kualidade atu nune’e ami hemu bele di’ak. Ha’u dehan hanesan ne’e tanba, iha tinan hirak liu ba kotuk, ha’u ba tratamentu iha rai liur, ha’u hetan atendementu di’ak no aimoruk ha’u hemu di’ak, mas ita-nia rain nian ne’e laiha, ita bele tama sai fatin-fatin mós hanesan de’it”, Veteranu Ilibui hato’o kestaun ne’e ba jornalista sira iha Sentru Saúde Becora Díli,  Kinta (28/2/2019).

Ilibui haktuir, ukun na’in sira iha rai ida ne’e laiha seriedade atu trata veteranu sira, tanba ne’e maske veteranu  balun nia kondisuan uma, no kondisaun fíziku ladiak ona mós, nunka hetan atensaun espesial husi Governu.

 ‘Ita-nia ukun nain sira ne’e la trata veteranu sira ne’e ho sériu, mas temi veteranu, no ohin loron TL hetan nia ukun rasik an ne’e tanba veteranu, maibé laiha atensaun di’ak”, lamenta Ilibui.

Alende ne’e, Xefi Sentru Saúde Becora, Adelina Pinto, rekuiñese, durante ne’e laiha  tratamentu espesial ba veteranu  sira, la’os iha Sentru Saúde Becora de’it, maibé iha Sentru Saúde sira seluk mós hanesan,  tanba laiha orientasaun husi Governu.

“Durante ne’e sira hetan tratamentu, maibé tratamentu hanesan komunidade bai-bain, ita la halo sira  especial tanba ita laiha orientasaun”, relata Xefi sentru saúde ne’e.

Entretantu Administrador Postu Administrativu Cristu Rey, Gaspar da Silva, hateten, nia hanoin ona atu tau iha planu hodi nune’e tratamentu especial refere labele halo iha memontu importante ruma de’it,  maibé tenki loron-loron, nune’e veteran sira bele hetan tratamentu kontinuasaun, tanba maioria veteranu sira ne’ebé mak oras ne’e dadauk sei moris, sira nia kondisaun ladun di’ak, tanba hetan torturasaun no seluk tan husi militar Indonézia.

“Ita iha hanoin atu sujere  ba Governu, nune’e ba oin tratamentu ba ita-nia veteranu sira ne’e labele hetan tratamentu iha tempu espesial ruma, maibé tenki loron-loron, tanba ita-nia vetarnus barak mak nia kondisaun saúde ladun di’ak ona, tanba torturasaun no seluk tan”, relata Gaspar.

Total veteranu sira ne’ebé mak hetan tratamentu husi pesoal saúde sentru saúde Becora hodi komemora loron veteranu  ne’ebé mak sei monu iha loron 3 fulan Marsu tinan ne’e, hamutuk 27, husi númeru ne’e nain rua sei hetan transferensia ba Hospital Nasional Guido Valadares,  tanba hetan moras diabetes no tensaun alta.ola

 


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker