GMN TV Saude e Educação Japaun oferese osan rihun USD 656 ba MS

Japaun oferese osan rihun USD 656 ba MS

Governu Japaun oferese   osan rihun USD  656, ba Ministériu Saúde (MS) atu halo konstrusaun ba Postu Saúde no uma hela fatin ba médiku sira iha Suku Mantelolão, Postu Administrativu Metinaro,  Munisípiu Díli.

Embaixador Japaun iha Timor Leste, Hiroshi Minami hateten, objetivu husi  apoiu orsamentu ne’e, atu Timor-Leste bele mellora di’ak liu tan servisu  sosial báziku sira, inklui kuidadu saúde  iha Timor-Leste.

“Governu Japaun apoiu ona konstrusaun nasaun TL desde tinan 1999, no tinan ida ne’e marka aniversáriu ba dala 20, kooperasaun entre nasaun rua ne’e. Área foku ida husi ami nia kooperasaun ba TL mak, melloramentu servisu sosial bázikas, inklui servisu kuidadu saúde, iha Timor-Leste, servisu saúde fornese gratuita ba povu, maibé tanba rekursu humanu no finansiamentu ne’ebé mak limitadu, povu la asesu di’ak ba servisu saúde universal ne’ebé ema hotu bele hetan asesu  ba kuidadu saúde. Ho kustu ne’ebé mak asesivel , ha’u nia Governu hakarak servisu hamutuk ho  Governu Timor-Leste atu alkasan kovertura saúde universal iha pais ne’e, ne’ebé to’o agora  ha’u nia Governu apoia ona servisu kuidadu saúde iha pais ne’e, liu husi medidas hanesan, konstrusaun postu saúde sira, iha área rural. Husi projetu ne’e postu saúde ida  sei konstroe iha ne’e iha Postu Administrativu Metinaro, ne’ebé mak durante ne’e povu la  asesu di’ak ba servisu saude”, hateten Hiroshi Minami iha nia intervensaun iha  seremónia lansamentu fatuk dahuluk ba konstrusaun Postu Saúde no uma hela fatin médiku sira iha Aldeia  Basahe, Suku Mantelolão, Postu Administrativu Metinaro, Munisípiu Díli, Kinta (7/3/2019).

Hiroshi Minami haktuir, Governu Japaun liu husi ONG Internasional SHARE, implementa ona projetu barak kona ba kuidadu saúde iha TL, ne’ebé ho obra di’ak no kualidade ne’ebé Governu Japaaun mós sei kontinua fó fiar ba NGO SHARE hodi hala’o konstrussaun ba postu saúde no uma hela fatin ba médiku sira.

Hiroshi Minami husu ba komunidade iha Suku refere atu iha kooperasaun di’ak ho ONG Internasional SHARE, ne’ebé sei halo kontrusaun ba obra refere nune’e bele lori rezultadu ne’ebé mak di’ak no kualidade.

Iha fatin hanesan, Vise Ministru Saúde, Asuntu Planu Dezenvolvmentu Estratéjiku Saúde, Bonifácio Maucoli dos Reis, afirma, planu konstrusaun postu saúde no uma hela fatin ba pesoal saúde  sira ne’e, bele realiza tanba hetan apoiu orsamentu husi Governu   Japaun.

“Ohin ita lansa fatuk  dahuluk no nia konstrusaun ita sei halo iha tempu badak, ne’ebé NGO SHARE mak sei kaer, no ita fiar katak, konstrusaun ba  uma rua ne’e sei lakleur”, hateten Maucli dos Reis.

Entretantu, Xefe Suku  Mantelolão, Sergio Asis Lopes Sarmento Dias, Agradese ba Governu Timor-Leste nomós embaixador Japaun ne’ebé fó ona apoiu hodi hari’i postu saúde ne’ebé durante ne’e  komunidade iha Suku refere hein.

“Hesan Xefe Suku, hamutuk ho ha’u nia Xefe Aldeia nen, ami garante katak, konstrusaun ba postu saúde no uma ba médiku sira ne’e, sei la’o di’ak, tanba durante ne’e  komunidade iha Suku ne’e  enfrenta duni problema atendementu saúde, ne’ebé dala barak ami nia populasaun ami hulan de’it ho ai mak ba  sentru  saúde ho postu saúde ne’ebé mak iha, inklui ho kolokasaun médiku sira ne’ebé sei mai, ami sei la dúvida tan atu lori ami nia pasiente sira ne’e ba ne’ebé”, katak Sergio Asis Lopes.

Total populasaun ne’ebé mak sei asesu ba postu saúde ne’ebé mak sei hari’i iha tempu badak, hamutuk 1913, ho uma kain hamutuk 498.ola


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker