GMN TV Saude e Educação Dulce: Provizoriu hapara atividade aprendizajen

Dulce: Provizoriu hapara atividade aprendizajen

0 views

Ministra Edukasaun Joventude Desportu(MEJD) Dulce de Jesus hateten, relasiona ho Corona Virus Disease 2019 (COVID-19), ne’ebé maka tama ona Timor, tanba ne’e provizoriumente eskola públikú hotu tenki hapara prosesu aprendizajen durante semana ida.

“Ohin loron 22 marsu 2020, ministeiru edukasaun joventude no desportu,hafoin kordena ho gabinete primeiru ministru no ministreiru saúde, determina feriadu estraordináriu hahu loron 23 marsu to’o 28 marsu ba eskola públiku hotu no eskola privadu sira ne’ebé integra iha rede públiku(eskola katóliku sira no fundasaun)”, hateten, Ministra Dulce de Jesus, liu husi konferensa ba imprensa, Domingo(22/03/2020),iha edifisiu MEJD Villa-Verde Dili.

Ministra esplika, ferias ida ne’e hanesan maneira ida atu prevensaun ida, tanba virus refere fasil tebes daet husi ema ida ba ema seluk.

“Féria eskolár semana 1 husi 23-28 fulan marsu la’os atu halimar maibé atu iha uma no halo tuir padraun ijiene nia ne’ebé fó sai ona iha MEJD nia sircular 3/2020 no regra ofisiál sira hosi ministeiru saúde. Medida férias semana ida hanesan maneira ida atu evita ema barak halibur iha fatin ida, nune’e husu ba inan-aman no mahein sira hotu nia komprensaun,no bandu oan atu la’o halimar iha dalan”, dehan,Dulce.

Governante ne’e mos husu atu estudante tenki evita an, liu husi labele halo interaksaun ho ema seluk, no halo tuir regulamentu ne’ebé fó sai husi organizasaun saúde mundial.

“Halo favór mantein kalma, fiar ba maromak, no fó kuidadu ba isin. Husu ba estudante sira deskansa barak, han hahan tasak didi’ak, fase liman bei-beik, no evita kaer liman, rei malu, bensa  no kontaktu fíziku sira seluk, keta tafui malus iha rai, no importante liu, goza no aproveita tempu hamutuk, nu’udar familia, konta istória familia nian, halo to’os familiár, kanta hamutuk no apresia no hatudu domin ba malu iha familia nia le’et”, husu, Ministra Eduksaun ne’e.

Ministra mós kontinua husu, bainhira sente mear ka fani no isin manas, tenki halo kontaktu kedas ba klinika, óspitál ka pesoal saúde sira hodi bele halo tratamentu lalais.Jen 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker