GMN TV Saude e Educação PR Lú Olo apoia MS kombate COVID-19

PR Lú Olo apoia MS kombate COVID-19

0 views

Ministra Saúde  Interina,  Elia Antonio Amaral dos Reis, informa ba Prezidente Repúblika (PR), Francisco Guterres Lú Olo, kona bá situasaun atuál, liu-liu kona-bá liña koordenasaun ministerial hodi halo kontrolu ba COVID-19 iha Timor-Leste, no Xefe  Estadu  fó apoiu Governu, liu-liu Ministériu Saúde atu kombate coronavirus labele daet mai Timor-Leste.

“Ita iha situasaun rua, iha situasaun normal ho situasaun emerjénsia, situasaun emerjénsia ne’e tama iha saúde públika emerjénsia ne’ebé mak saúde mundíal deklara katak, pandemia ka  moras ne’e hadaet  husi nasaun to’o kontinente lima ne’e, daet hotu  ona, entermus iha preparasaun ita prepara ho kondisaun mínimu ne’ebé iha, no ita asegura katak, rezultadu ne’ebé iha entermus  parte husi vizilansia  porta entrada mai  sai xave, nune’e mak ate a data  seidauk hetan kazu  konfirmadu. Espera katak, ba oin sei mantein hanesan ne’e”,  dehan Elia António ba Jornalista Kuarta (18/03/2020), iha Palásiu Prezidensial Nicolau Lobato Bairo Píte Díli.

Nia hatutan, Governu mós sei fó atensaun mós ba dalan sira ne’ebé mak illegal, pontu fronteira terestre, maibé parte seguransa mak sei tau matan ba kestaun ne’e, hodi labele fó fatin ba ema atu labele tama sai illegal.

 “Ne’e la’os deit nasaun Timor-Leste, kuandu iha ona nasaun afetadu  mak foin utiliza person ekuipment ba iha protesaun nian, kuandu ita bo’ot sira haree mensajen katak, pessoal saúde sira la utiliza PPE ne’e, tanba pasajeiru sira ne’e atu mai ita-nia rai laran ne’e, durante 24 oras ou 3 dias, antes ne’e Ministériu Saúde atraves imigrasaun iha ona informasaun kona-ba ida ne’e” subliña Elia.

Governante ne’e mós agardese ba servisu imigrasaun, tanba durante ne’e halo servisu ho diak, no Timor-Leste sei tama hela lína ne’ebé seguru hela husi COVID-19.

“Prezidente Repúblika sei fó apoiu  másimu ba situasaun ida ne’e, atu nune’e bele haforsa ita hotu atu hadook aan no kombate hamutuk moras Coronavirus ne’e”, tenik Elia.oly


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker