GMN TV Saude e Educação MS Rui Araújo vizita aldeia izoladu husi sentru saúde

MS Rui Araújo vizita aldeia izoladu husi sentru saúde

0 views

Ministru Saúde dr. Rui Maria de Araújo akompaña husi ekipa Saúde Na Familia (SnF), foin lalais ne’e, hala’o vizita ba Aldeia Koeleki, Suku Baboe Leten, Munisípiu Ermera, ne’ebé izoladu husi sentru saúde.

Tuir nota komunidade imprensa ne’ebé redasaun simu husi, media Palásiu das Cínazas haktuir katak, vizita Ministru nian ne’e, ba aldeia ne’ebé izoladu liu iha Munisípiu Ermera, tanba  populasaun sira kuaze la iha asesu ba prestasaun kuidadus rutina.

Tanba ne’e, knar na’in saúde husi Postu Saúde viziñu Suku Paramim nian mak dalaruma ba halo klínika movel iha aldeia refere.

“Haree ba realidade ida ne’e mak ha’u rasik hakarak mai akompaña vizita SnF nian iha fatin ne’e hodi haree besik liu kondisaun jeográfiku, kondisaun moris populasaun nian oinsa, aumesmu tempu avalia mós grau difikulidade husi profesionais saúde sira ne’ebé hala’o servisu iha fatin ne’e,” Rui Araújo hateten.

Realidade ida mós hatudu katak, populasaun iha aldeia ne’e, difisil tebes asesu ba Estrada.

“Iha fatin ne’e difisil teb-tebes alternativa ida mak komuniade tenki la’o husi mota bandeira nian mai to’o iha fatin ne’e. Tamba ne’e dalabarak ema moras sira susar atu hetan asesu. Pelu menus apartir agora vizita domisiliária hala’o rutinamente identifika ona kazus lubuk ida ne’ebé presiza halo akompañamentu iha fatin ne’e. Ohin mós identifika kondisaun sósiu ekonómiku ne’ebé afeta tebes populasaun sira nia moris no nia saúde,” Rui Araújo fundamenta.

Aldeia Koeleki, maioria populasaun sira seidauk asesu ba sintina, difikulidade iha beemos no hijiene pesoal la dun di’ak.

“No ho vizita ida ne’e pesoal saúde sira sei halo diagnóstiku de saúde partisipativu depois deskuti ho autoridades komunitarias nomos autoridades administrativas oinsa buka solusaun ba problema sira ne’ebé populasaun sira infrenta iha terrenu”, tenik Ministru Saúde ne’e.

Partisipa iha vizita SnF ne’e Diretor Nasional Saúde Públika Pedro Canísio ho ekipa, parseirus korperativus saúde hanesan International Organization for Migration (IOM) halo screening ba Tuberculoza, Autoridades Komunitária, komunidades no sel-seluktan.*/ixo


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker