GMN TV Saude e Educação Espoza PM preokupa ho moras dengue aas iha HNGV

Espoza PM preokupa ho moras dengue aas iha HNGV

0 views

Espoza Primeiru Ministru (PM), Taur Matan Ruak, Isabel Ferreira, preokupa ho  númeru pasiente moras dengue  ne’ebé rejista to’o kazu 144  iha Hospita Nasional Guido Valadares (HNGV).

Isabel Perreira, preokupadu ho  númeru pasiente  moras dengue ne’ebé mak foin fulan tolu de’it, HNGV rejista oba ema nain 144, no hamate ona  labarik nain 4.

“Ida ne’e ita preokupa tebes, no tanba saida mak ami mai iha ne’e, ami mai iha ne’e tanba  tuir informasaun katak, labarik ki’ik oan barak mak tama iha ne’e, tanba hetan moras dengue, no ita hatene katak, tanba agora tempu paskua, ami mai halo ami nia mesiricordia, hanesan sarani Katólika ida, mai fó korajen ba malu, liu-liu ba inan aman sira ne’ebé mak nia oan sira moras, atu sira bele iha korajen nafatin, oinsa  kuandadu sira-nia oan   bele di’ak lalais”, hateten Isabel Ferreira Jornalista sira, hafoin vizita sala pediátria HNGV Bidau Díli, Tersa (9/4/2019).

Alende moras dengue, moras seluk ne’ebé dadaun ne’e mós sai preokupasaun ba Isabel Ferreira mak,   malnutrisaun no tuberkoleze ne’ebé mak sofre husi labarik ho idade tinan lima mai kraik.

“Ita hare’e ohin la’os moras dengue de’it, maibé iha mós moras sira seluk ne’ebé mak sai preokupasaun mós mak,  malnutrisaun no Tuberkoloze, ne’ebé mak labarik ki’ik oan sira sofre, ida ne’e preokupasaun bo’ot ida ba ita, ne’ebé lolos la’os Estadu nia problema de’it, maibé ba ita hotu. Lolos ita la’os laiha hahan, ita iha hahan, maibé ema barak lahatene aihan ida ne’ebé mak lolos iha nutritivu para fó ba ita-nia oan sira, hodi hetan isin di’ak, ida ne’e ha’u hanoin presiza informasaun”, relata Isabel Ferreira.

Alende ne’e, Diretor Ezekutivu HNGV , doutor Aniceto Barreto, konsidera,  moras dengue hanesan moras ida ne’ebé normal, sempre mosu kada tinan, tanba tuir siklus ne’ebé mak iha.

“Ne’e tempu duni, sirklus demam berdarah ne’e  tinan lima, espetativa ne’e ita hatene tiha ona katak, ne’e sei mosu duni, tanba ne’e HNGV tenki asegura ba tratamentu. Ne’e sirklus normal ne’ebé mak sempre mosu”, hateten Aniceto Barreto.

Tuir dadus, pasiente moras dengue  ne’ebé mak rejistu iha HNGV, hahú husi fulan Janeiru to’o fulan Marsu tinan ne’e, hamutuk 144, no husi númeru ne’e, labarik ki’ik oan tinan lima mai kraik hamutuk na’in  38, no ema bo’ot nain 13, no husi númeru ne’e,  labarik na’in hat mak mate ona.ola


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker