GMN TV Saude e Educação Lian Tetun difikulta estudante halo traballu sientífiku

Lian Tetun difikulta estudante halo traballu sientífiku

0 views

Reitór Institute of Technology (DIT), Alvaro Menezes Amaral, hatete DIT dezemvolve lingua tetum hahú husi  tinan 2012 mai to’o ohin loron, maibé tetum sei nafatin limitadu tebes hodi lori koa’lia iha atividade aprendizajen no difisil ba estudante sira hodi produs trabllu akadémiku.

“Ohin loron lian tetun seidauk preparadu atu uza iha ensinu aprendizajem, tanba tetum defisil tebes ba dosente ho estudante sira atu produs trabllhu seintéfiku  uza ho lian tetum,”dehan Reitor DIT, Alvaro Menezes Amaral, ba  jornalista sira iha kampus DIT, Kinta (04/04).

Reitor haktuir, maske DIT iha ninia sentru lingua tetum rasik hodi hariku lian tetum liu husi produsaunn sientéfiku públikasaun internasionál komferensia internasionál nomos produs livru barak no hetan lisensa husi internasionál maibé sei nafatin defikulta.

Tanba ne’e mak DIT kontinua nafatin hariku lian tetum liu husi peskija nune’e dezembolve lian tetum di’ak liu tan hodi bele uza iha ensinu aprendizajem li-liu iha nivel ensinu superior, dehan Reitor DIT.

“Ita atu koa’lia tetum di’ak tenke koa’lia mós ba iha imvestimentu, oinsa mak atu lian tetum ne’e bele uza iha area hotu, maibé enkuandu koa’lia de’it iha meza leten sem imvestimentu defisil hatene lian tetum rasik, nune’e mós atu hetan lingua propriu tetum nian hodi uza ba trabllhu seintéfiku ne’e mós sei defisil uituan,” hatete Alvaro Menezes Amaral.

Reitór ne’e hatete, razaun lian tetum sei defisil atu halo traballhu sientéfiku tanba liafuan barak liu konaba área estudus mak seidauk kompletu .

“Ami nia peskija lingua tetum kontinua lao maibé importante liu mak tenke iha imvestimentu, persiza rekursu osan no rekursu ema ne’ebé propriu preparadu hodi halo públikasaun, tamba DIT produs livru barak ona, livru hirak ne’e lisensa internasionál hodi produs livru iha lian tetum, nune’e DIT mós iha nia sentru liangua tetum imvolve nia- an hodi hanorin lian tetum iha universidade ne’ebé mak di’ak tebes, maibé seidauk sufisiente hodi halao atividade persiza imvestimentu.

Nia imforma, sentru lingua tetum iha DIT halo públikasaun iha internasionál barak ona, sentru refere mós baibain embaixadór nia família , staf diplomata ho azensia internasionál sira wainhira hakat mai iha timor, sira preoridade mai tuir kursu lian tetum iha DIT .

“Ami nia profesores ne’ebé hanorin lingua tetum iha DIT, ema ne’ebé mai background  tetum, nune’e mós DIT agora dadaun halo hela formasaun ba dosente sira ho lian tetum,”tenik nia.

Tanba ne’e atu dezemvolve tetum di’ak liu tan, persiza atensaun no imvestimentu nune’e bele hariku liu lian tetum iha TL, hodi bele uza ba atividade akadémiku.

Nune’e mos Diretor Institutu Nasional Linguistíka (INL), Benjamin Cortereal, hatete INL hanesan Institiuisaun Estado hala’o nia kna’ar bazea ba dekretu Governu ne’ebé  hatun iha 14 de Abril 2004 lei númeru 1/2004, hodi dezenvolve diak lian tetun iha Timor.

“ Ami hala’o kna’ar ne’e ami tenke halo ho responsabilidade, no nudar sidadaun ne’ebé konstituisaun fo biban atu ita hotu fo opiniaun, maka ami fo sujestaun ba governu oinsa halo harmonizasaun ba lian tetun no estado tenke  hare  tetun hanesan urjensia ne’ebé presiza harmoniza.” afirma Diretor INL.

Benjamin, sublina hanesan instituisaun akademika hare ba universidade parseiru  sira seluk maske oponiaun la hanesan maibé dedikasaun ba asunto ne’ebé hanesan ,ezemplu hanesan Dili Institute Of Tecnology (DIT) ne’ebé iha rasik sira nia sentru estudu ba língua hodi kontribui ba dezenvolvimento língua iha Timor.

“ Relasaun DIT ho INL iha diferensa oituan deit, tamba ne’e ita tenke esklarese ba malu, entaun ba hau ida ne’e laos motivu ba INL ho DIT atu laiha komunikasaun  maibé ami tenke iha komunikasaun ba malu, tamba DIT iha professora ida husi estrangeira ne’ebé iha formasuan forte iha gramatíka no produs ona gramatíka, entaun ami tenke halo díalogo ho sira atu nune’e bele servisu hamutuk oinsa dezenvolve lian tetun,”  tenik nia. Fel


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker