GMN TV Saude e Educação MS lakohi rona tan HNGV laiha aimoruk

MS lakohi rona tan HNGV laiha aimoruk

0 views

Vise Ministra Saúde, Asuntu Kuidadu Saúde Primária no Ministra Saúde (MS) Interina , Elia António de Araújo dos Reis, hateten, nia lakohi rona tan Hospital Nasional Guido Valadares (HNGV), enfrenta bebeik falta aimoruk no mós laiha ekipamentus.

Elia António de Araújo dos Reis, hatutan, nia parte lakohi rona tan kargu xefia sira, liu-liu Xefi departementu sira iha HNGV, preokupa ba falta aimoruk no ekipamentus, tanba  HNGV hanesan faslidade saúde Estadu nian ne’ebé mak tenki fó atendimentu ne’ebé mak di’ak ba pasiente sira ne’ebé mak presiza atendimentu no aimoruk.

“Ha’u husu ba ita bo’ot sira atu haree, no monitoriza saida mak falta iha departamentu sira, ha’u lakohi rona tan aimoruk laiha, haree no tau matan ba pasiente sira ne’ebé mak mai halo tratamentu, labele taka buat ne’ebé mak laiha, tanba sasan ne’ebé mak iha HNGV ne’e, sasan Estadu nian, povu nian, sira mai iha ne’e sira iha direitu atu hetan atendimentu ne’ebé mak di’ak no dignu husi ita”, hateten Elia António de Araújo dos Reis, iha nia diskursu tomada de posse kargu Xefia sira iha HNGV Bidau Díli,  Tersa (16/4/2019), relasiona ho durate ne’e pasiente barak sempre kestiona HNGV menus aimoruk no seluk tan.

Elia haktuir, alende Kargu Xefia sira hanesan, Xefi Departementu no Xefi Unidade sira, husu mós ba pesoal saúde sira hotu atu servisu hamutuk hodi konklui problema no dezafiu ne’ebé mak durante ne’e HNGV infrenta, nune’e bele lori HNGV sai fasilidade saúde ne’ebé mak di’ak  no susesu.

“Ha’u hein katak, Xefi sesante sira sei kontinua nafatin hala’o sira-nia kna’ar hanesan profesional saúde, hodi kontinua,fó asistensia no apoiu ba kuidadu hospitalar iha HNGV. Ministériu Saúde rekuñese ba imi nia dedikasaun, espíritu nasionalismu, kompromisiu no profesionalismu, fó nafatin ita bo’ot sira-nia apoiu ba sira ne’ebé mak foun, hodi fó hanoin ba sira, tanba ita bo’ot sira mak sira-nia senior, tenki servisu ho ekipa, tanba ita ekipa ita ida de’it, iha buat balun ne’ebé mak lalos, tenki fó hanoin ba malu, ita bo’ot sira iha diretur ezekutivu, iha hanoin ruma ko’alia ba nia, ekipamentus laiha hato’o ba nia, karik nia labele, bele kontaktu ha’u. Ha’u husu ba ita bo’ot sira ne’ebé mak simu ona posse atu tau matan ba ekipamentus sira ne’ebé mak iha kada departementu, kada unidade, hahú agora ha’u lakohi rona tan dehan luvas laiha, ekipamentu laiha, kabas laiha, buat hotu-hotu laiha, ita bo’ot sira sai responsavel ba buat sira ne’ebé mak iha ita bo’ot sira nia fatin”, katak Elia.

Tuir Elia,  falta aimoruk no menus fasilidade ne’e la’os probema pasiente nian,  maibé problema instituisaun nian ne’ebé dirijente sira iha obrigasaun atu reponde ba problema hirak ne’ebé mak laiha no falta.

Tanba, tuir Elia, pasiente sira ne’e ba hospital atu simu aimoruk, atu hetan atendimentu ne’ebé mak di’ak, la’os atu rona saida mak laiha no saida mak falta, tanba ne’e xefi departementu ida-ida tenki responsavel ba ida ne’e.ola


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker