GMN TV Saude e Educação Tinan rua pesoal saúde la simu subsídiu, MS promete sei rezolve

Tinan rua pesoal saúde la simu subsídiu, MS promete sei rezolve

0 views

Vise Ministru Saúde (MS), Asuntu Planu Dezenvolvimentu Estratéjiku Saúde, Bonifácio Maucoli dos Reis, promete sei rezolve problema pesoal saúde destakadu iha hospital referénsia Maliana, ne’ebé mak tinan rua ona seidauk simu osan subsídiu, tanba polítika Ministériu Saúde nian ne’ebé hateten, kada pesoal saúde sira ne’ebé mak destakadu ba Munisípiu, Postu Administrativu, Suku no Aldeia, tenki hetan orsamentu ba alojamentu kada fulan USD 100.

Bonifacio Maucoli haktuir, nia parte sei buka hatene, tanba saida mak pesoal saúde sira ne’e seidauk simu osan subsídiu, tanba normalmente kada fulan pesoal saúde sira ne’ebé mak destakadu ba Munisípiu sira, tenki  hetan orsamentu ba alojamentu.

“Kuandu professional saúde sira ne’ebé mak ita destaka ba iha Munisípiu sira, ne’e informasaun depende husi diretur saúde katak, kuandu sira foti pesoal saúde sira koloka ba iha sentru saúde balun, maibé laiha rejidénsia, ne’e ita fó alojamentu kada fulan USD100, para sira bele selu fatin ne’ebé mak sira hela ba, maibé sei ida ne’e mak akontese, ita sei haree no buka tuir”, hateten Bonifácio Maucoli dos Reis ba Jornalista sira, hafoin  pasrtisipa seremónia, lansamentu programa ALFA, iha Postu Administrativu Bobonaro, Munisípiu Bobonaro foin lalais ne’e.

Bonifacio Maucoli  dos Reis rekuñese katak, iha duni  sentru saúde barak mak to’o agora seidauk iha rejindénsia. Tanba ne’e, polítika Ministériu Saúde nian iha tinan ne’e, sei  halo mós konstrusaun ba rejidénsia ba pesoal saúde sira atu nune’e, sira bele halo atendimentu ba populasaun ho di’ak no lalais.

“Ami mós rekuñese katak, sentro saúde barak mak laiha rejidénsia, tanba ne’e mak ita fó alojamentu ne’e, atu sira bele selu fatin ne’ebé mak sira hela ba, tanba pesoal saúde barak mak  ita koloka ba Munisípiu ne’ebé la’os sira-nia Munisípiu rasik, entaun ne’e presiza alojamentu”, relata  Bonifácio Maucoli.

Maske nune’e, Bonifácio Maucoli mós,  husu ba pesoal saúde sira ne’ebé mak  tinan rua ona seidauk simu osan, atu bele kontinua mantein pozisaun hodi servisu nafatin, tanba buat ne’ebé mak sira-nia direitu, sira bele ezije, no Ministériu Saúde sei buka tuir, tanba saida mak sira seidauk simu sira-nia subsídiu.

Tuir Planu,  tinan ne’e Governu liu husi Ministériu Saéde,  sei rekruta tan pesoal saúde hamutuk 300 resin, no  sei halo mós konstrusaun sentru saúde no Postu Saúde ne’ebé mak kompletu ho rejidénsia ba pesoal saúde sira.Ola

 


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker