GMN TV Saude e Educação 50 % estudante Universitáriu la partisipa prosesu aprendizajen hosi sistema online

50 % estudante Universitáriu la partisipa prosesu aprendizajen hosi sistema online

0 views

Relasiona ho Estadu Emerjénsia, ne’ebé dekreta ona hosi Prezidente Repúblika, Francisco Guterres Lu Olo, Universidade da Paz (UNPAZ), no Universidade Nasionál Timor-Lorosa’e (UNTL) deside fó feria ba estudante durante fulan 1, maibé prosesu aprendizajen kontinua la’o liu hosi online, maske porsentu 50 estudante sira  la partisipa hotu.

“Ita bele dehan katak, partisipasaun estudante sira liu sistema online porsentu 50 tuir maibé porsentu 50 laiha, tanba estudante balun fila ba foho no hela iha área rural, ne’ebé liña internet laiha no balun laiha telephone android, entaun difisil ba sira atu partisipa iha prosesu aprendijajen sistema online”dehan, Reitór UNPAZ, Adolmando Amaral, ba JN-Diário Tersa (07/04/2020) iha UNPAZ Díli.

Reitór ne’e haktuir, prosesu aprendijajen hosi sistema online hosi aplikasaun google class room, ne’ebé kria grupu entre dosente no estudante sira  hodi hatama disiplina sira hodi halo intereksaun liu hosi sistema online.

“Ami fó ona orientasaun ba dosente sira, ne’ebé hanorin disiplina iha semestre 1,3, 5, no 7 atu kontinua hanorin estudante sira liu hosi media online hosi aplikasaun google class room, maibé tanba Timor-Leste foin implementa sistema online iha fazea aprendijajen, iha estudante balun komprende no balun la komprende” afirma Adolmando Amaral.

Akademiku ne’e subliña, hanesan Reitór ami labele garante katak, sistema online ne’e estudante sira atu partisipa hotu tanba iha porsentu 50 estudante la partisipa, porsentu 50 partisipa no hosi porsentu 50 ne’e mós iha porsentu 15 estudante balun seidauk komprende diak sistema, entaun ami labele garante maibé ami esforsu hodi akompañia nafatin estudante sira.

“Konaba valor estudante sira nian iha situasaun hanesan ne’e, ami tenke ánaliza uza fuan  konaba sistema akademíka hodi tetu diak hafoin foti desizaun konaba valor estudante sira nian”.

Nune’e mós, Reitór UNTL, Francisco Miguel Martins, hatete relasiona ho Estadu Emerjénsia hodi prevene-covid-19, UNTL aplika sistema prosesu aprendijajen aula distansia ne’ebé liu hosi media online.

“Ha’u hanorin liu hosi sistema online google class tuir órariu normal ne’ebé implementa iha aula prezidensiál, tanba molok estudante sira ferias, hau ona instrusaun ba estudante sira katak, iha órariu normal  ita hahu prosesu aprendijajen online liu hosi aplikasaun google class, be’ebé kada estudante uza sira nia telephone android”informa Francisco Miguel Martins.

Reitór UNTL realsa, estudante sira ne’ebé la tuir prosesu aprendijajen hosi sistema online, sei la halo avaliasaun hodi fó valor ba estudante sira, tanba estudante sira la partisipa iha prosesu aprendijajen.

Ministru Ensinu Superior Siensia no Kultura (MESSK), Longuinhos dos Santos, hatete Ministériu prepara ona proposta hodi haruka ba Ministériu relevante hanesan, Ministériu Transporte no Komunikasaun (MTK), ne’ebé mak halo negosiu ho operadór sira hanesan Timor Telekom Telemor no Telekomsel.

“Ida ne’e iha faze diskusaun no iha aban mak sei submete ba Konselhu Ministru (KM) hodi hare asuntu ne’e, relasiona ho apoiu liña internet ba estudante no dosente sira. Iha Ministériu ami foka liu ba área 2 hanesan, área komunikasaun no kreditu”.

Longuinhos esplika, área komunikasaun mak Ministériu oferese liña internet ba estudante no dosente sira no área kreditu mak fó kreditu ba ensinu superior privadu hodi bele asegura funsionamentu salariu ba dosente no fúnsionariu sira.

”Ami mós prepara hela proposta hodi fó subsidiu ba estudante sira  ihae estranjeiru, liu-liu ba estudante naun bolseiru sira maibé ida ne’e sei servisu hamutuk ho Ministériu Negosiu Estranjeiru no Kooperasaun (MNEK) tanba ne’e kompetensia mós ba MNEK”.Fel


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker