Sentru Integradu Jestaun Krize (SIJK), informa kazu konfrimadu COVID-19 iha Timor-Leste sei mantein 24 no iha suspeitu 27 husi Munisipiu Liquisa mak ho rezultadu teste negativu.
“Kazu konfrimadu 24 nafatin laiha mudansa, total kazu rekoperadu nafatin 2 husi kazu konfirmadu no nain 4 husi kazu provavel, total komulativu izame laboratoriu ne’ebé halo husi dia 6 de Março hamutuk 629, sira hein rezultadu 215, rezultadu negativu 390,” dehan, Porta Voz SIJK, Rui Maria de Araujo, iha Centro Convenções Díli, Kuarta (29/04/2020).
Enkuantu ba suspeitu 27 iha Munispiu Likisa konfirmadu negativu COVID-19 no ema 52 mak sei hein rezultadu teste husi total suspeitu 79 ne’ebé foti ona nia amostra.
Rui esplika, hafoin deteta kazu konfirmadu sidadaun portuges nain 2 iha Munisipiu Liquisa ekipa vizilansia epidomolojia kontinua halo triazen hodi identifika posibilidade transmisaun lokal ba COVID-19.
“Iha munisipiu Liquisa esforsu atu halo triazen ba kazu suspeitu COVID-19 hodi determina sei iha ona transmisaun ou lae nafatin halao hela, to’o ohin meiudia ekipa vizilansia epidomolojia rekolla ona 79 amostra espesiment ne’ebé 27 negativu ona no restu sei hein rezultadu, Ministeriu Saúde mos planu atu halo vizilansia ba semana hirak ba munispiu sira,” dehan,Rui de Araújo.
Dadauk ne’e ema ne’ebé halo kuarentena hamutuk 436 kompostu husi nain 38 halo Autokuarentena iha Munisipiu sira no nain 8 Autokuarentena iha Dili, ba prosesu kuarentena iha fatin ne’ebé governu prepara hamutuk 324 iha Dili no nain 76 iha Munispiu sira.
Total ema ne’ebé pasa ona kuarentena ou konfinamnetu hamutuk 1712 ne’ebé kompostu husi nain 350 Munisipiu sira no 1372 iha kapital Dili.Ida
