GMN TV Saude e Educação Deskonfia Timor-oan balu hetan sintoma COVID-19 transfere ona ba HNGV

Deskonfia Timor-oan balu hetan sintoma COVID-19 transfere ona ba HNGV

0 views

Diretora Jerál Prestasaun Saúde, Odete Viegas, hatete, ekipa saúde transfere ona Timor-oan balun ne’ebé hala’o hela kuarentena ba Hospital Nasional Guido Valadares (HNGV) tanbá deskonfia hetan sintoma COVID-19.

 “Iha duni pasajeiru ida ou rua desenvolve hahú hatudu sintoma no ita muda kedas ba HNGV fatin izolamentu ne’ebé mak iha kuartu rua ita tau hela iha ne’ebá, atu hatete ba públiku no ema sira iha kuarentena ne’e katak durante kuarentena pasajeiru sira ne’e bele hatudu sintoma isin manas mear no kuandu hatudu ona sintoma hirak ne’e, ita bele buka fatin hanesan óspital ho espasu ne’ebé iha, ida rua ita bele tau hodi hasai amostra para bele hare’e rezultadu ne’e negativu ka positivu,” hatete, Odete Viegas, hafoin partisipa iha enkontru ekipa Jestaun de Rizku iha Centro Convenções Dili(CCD), Tersa (31/3/2020).

Odete esplika, ekipa saúde ne’ebé responsabiliza ba pasiente refere foti ona amostra hodi halo teste iha Laboratóriu Nasional Saúde hodi hatene rezultadu husi teste refere, maske la sita Timor-oan nain hira mak deskonfia hetan sintoma ba COVID-19.

“Graca a deus ida positivu ne’e nafatin ho numeru foin lalais ne’e, maibé iha rezultadu sei sai tan aban ou bainrua ita espera katak ida ne’e sei negativu,” tenik, Odete.

Odete mos dehan, Ministeriu Saúde iha ona planu atu halo teste massal ba ema sira ne’ebé hala’o hela kuarentena maibé prosesu ba reforsa kapasidade laboratriu nian sei iha faze diskusaun.

Tuir dadus husi Ministeriu Saúde total ema ne’ebé halo kuarentena iha fatin 16 inklui auto kuarentena hamutuk 1.198 no husi numeru refere ema 234 mak konsege passa ona tempu Kuarentena durante loron 14 hodi fila ba uma.Ida

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker